Прокуратураи генералии Тоҷикистон як ҳолати таъсиис ба истилоҳ пирамидаи молиявиро аз ҷониби намояндагони ҶДММ “Тозакор” ошкор кард, ки ба қаллобӣ ва фиреби мардум дар шаҳри Душанбе ва вилоятҳои Суғду Хатлон машғул будаанд.
Бино ба иттилои маркази матбуоти Прокуратураи генералии ҷумҳурӣ, нисбати якчанд нафари дастдошта дар таъсиси пирамидаи молиявӣ парвандаҳои ҷиноятӣ оғоз гардидааст.
“Тафтишот муайян кард, ки ин гуруҳи ҷиноятӣ худро намояндаи ташкилоти хориҷии ҶДММ "Аффинаж" (Ltd"Affinage"), ки гӯё бо ташкилотҳои ба истихроҷ, нигохдошт, коркард ва фурӯши нафт, газ, тилло ва дигар ашёи хом машғулбуда ҳамкорӣ дорад, муаррифӣ намуда, бо ваъдаи додани фоидаи калон барои маблағгузорӣ ба ҶДММ "Аффинаж" зиёда аз 300 нафар шаҳрвандони Тоҷикистонро ҷалб намудааст”, - омадааст дар маълумоти прокуратура.
Гуфта мешавад, бо ин роҳи фиреб аз онҳо дар ҳаҷми аз 100 то 4 ҳазор доллар гирифта, ба суратҳисоби бонкҳои берун аз кишвари худ зиёда аз 150 ҳазор доллар гузаронидаанд.
Зикр мегардад, ки айни ҳол 2 нафар аз аъзои ин гуруҳи ҷиноятӣ дастгир карда шуда, ҷустуҷӯи дигар нафарон идома дорад.
Дар ҳамин ҳол, Прокуратураи генералии Тоҷикистон дархост кардааст, ки шаҳрвандони дар натиҷаи фаъолияти ғайриқонунии ҶДММ "Аффинаж" (Тозакор) зарардида ё ин ки аз фаъолияти ғайриқонунии ин гуруҳи ҷиноятӣ маълумотдошта ба Прокуратураи генералии Тоҷикистон муроҷиат намоянд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста