Агентии назорати маводи нашъаовари назди Президенти Ҷумҳурии Тоҷикистон дар соли 2022 ба миқдори 4 тоннаю 160 грамм маводи мухаддир мусодира кардааст, ки ин нисбат ба соли гузашта камтар будааст. Соли 2021 маводи мухаддири мусодирашуда 4 тоннаю 83 килограммро ташкил намуда буд.
Дар ин бора Ҳабибулло Воҳидзода, директори Агентии назорати маводи нашъаовар имрӯз, 3-юми феврал, зимни нишасти матбуотӣ иттилоъ дод.
Дар робита ба имконияти коркарди маводи мухаддири мусодирашуда барои истеҳсоли доруворӣ, роҳбари Агентии мазкур гуфт, ки “ҳоло дар ҷумҳурӣ чунин имконият вуҷуд надорад”.
“Дар таркиби маводи мухаддири мусодирашуда ҳар гуна маводҳои ба саломатӣ зараррасон буданаш аз эҳтимол дур нест ва дар Тоҷикистон имкони тоза кардани он айни замон вуҷуд надорад”, - гуфт Ҳабибулло Воҳидзода.
Ҳамин тавр, ба қавли ӯ, соли 2022 аз ҷониби ин ниҳод 681 ҷинояти мухаддиротӣ ба қайд гирифта шудааст, ки ин нисбат ба соли гузашта 3 дарсад камтар аст. Соли 2021 707 ҷиноят ба қайд гирифта шуда буд.
“Дар робита ба ин, соли 2022 аз ҷониби Агентии назорати маводи нашъаовар нисбат ба 147 нафар парванда боз шуда, ба суд ирсол гардид”, - гуфт Ҳабибулло Воҳидзода.
Айни ҳол дар ҷумҳурӣ 4 ҳазору 381 нафар нашъаманд, аз ҷумла 101 зан ба қайд гирифта шудааст, ки ин иншондиҳанда низ нисбат ба соли гузашта камтар аст. Ин нишондиҳанда соли 2021 4 ҳазору 749 нафар буд, ки 107 нафарро занон ташкил медоданд.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста