Душанбе. 7-уми июл. «Азия-Плюс» — | Дар шаҳри Кӯлоб бо ташабусси шўъбаи кор бо ҷавонони Дастгоҳи Кумитаи иҷроияи марказии Ҳизби халқии демократии Тоҷикистон (КИМ ҲХДТ) ва Кумитаи иҷроияи ҲХДТ дар доираи чорабиниҳои ҷашни 20-умин солгарди Истиқлолияти давлатии Тоҷикистон санаи 6 - июли соли ҷорӣ бо иштироки ҷавонон дар мавзӯи «Ҷавонон ва истиқлолият » вохӯрӣ баргузор гардид.
Тавре аз Дастгохи Кумитаи иҷроияи марказии ХХДТ хабар доданд, дар вохӯрӣ мудири шӯъбаи Дастгоҳи КИМ ҲХДТ, раиси Кумитаи иҷроияи ҲХДТ дар шаҳри Кӯлоб Зулайхо Ҳақназарова иштирок ва суханронӣ намуд. «Зулайхо Ҳақназарова дар мавриди фаъолияти ҲХДТ дар шањри Кӯлоб, ҷалби бештари ҷавонон ба сафҳои ҳизб ва нақши ҷавонон дар рушди кишвар ҳарф зада, ҷавононро ба корҳои созандаву рафтори шоиста ва саҳм гирифтан дар ободонии кишвар даъват кард», - гуфт сарчашма.
Мудири шӯъбаи Дастгоҳи марказии ҳизб Зоир Ҳабибов атрофи дастовардҳои даврони Истиқлолият таваққуф намуда, аз ҷумла гуфт, ки то имрўз даҳҳо миллату кишварҳое мавҷуданд, ки тайи садсолаҳо инҷониб баҳри ба даст овардани истиқлолият ва соҳиб гардидан ба марзу буми сарзаминашон азият мекашанд. «Ба дӯши ҷавонон имрӯз масъулияти бузурге вогузор шудааст, ки тақдири давлати ҷавонамон ба онҳо вобаста аст. Ҷавонони ҳизби мо нисбати ҷавонони ҳизбҳои дигар дар ҳамаи мақомоти намояндагӣ ва ҳокимияти иҷроия аксариятро ташкил медиҳанд. Бинобар ин, мо метавонем барои пешрафти ҷомеа ва тақдири имрӯзу фардои Ватан нақши муассир дошта бошем», - изҳор дошт номбурда.
Дар фарҷоми чорабинии мазкур ба чанд тан аз ҷавонони ба сафи ҲХДТ шомилшуда билетҳои ҳизбӣ супорида шуд.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста