Душанбе. 12-уми июл. «Азия-Плюс» — | Президенти Ҷумҳурии Тоҷикистон Эмомалӣ Раҳмон бо масъулини ҳукумати кишвар, Дастгоҳи иҷроияи Сарвари давлат ва раисони вилоятҳо машварати корӣ доир намуд.
Тавре аз хадамоти матбуоти сарвари давлат иттилоъ доданд, дар машварат Сарвазири кишвар Оқил Оқилов, муовинони сарвазир, аъзои ҳукумат, Роҳбари Дастгоҳи иҷроия ва мушовирони давлатии Президент, роҳбарони идораҳои назди ҳукумат ва як қатор корхонаю муассисаҳо ва раисони вилоятҳо иштирок намуданд.
Доир ба мавзӯи асосии машварат – ҷамъбасти пешакии натиҷаҳои рушди иҷтимоию иқтисодии кишвар ва иҷрои буҷети давлатӣ дар нимсолаи якуми соли равон, гузориши Вазири рушди иқтисод ва савдо Фаррух Ҳамралиев, Вазири молия Сафаралӣ Наҷмиддинов, Вазири энергетика ва саноат Шералӣ Гул, Вазири кишоварзӣ Қосим Қосимов ва раисони Вилояти Мухтори Кўҳистони Бадахшон – Қодири Қосим, вилояти Суғд – Қоҳир Расулзода ва вилояти Хатлон – Ғайбулло Авзал шунида шуд.
Раисони вилоятҳо, ҳамчунин доир ба ҷамъоварии ҳосили мева, ғалладонагиҳо, сабзавоту полезӣ, хӯроки чорво, дигар зироатҳо ва рафти кишти такрорӣ дар заминҳои обӣ ахбор доданд.
Сарвари давлат Эмомалӣ Раҳмон ба масъулини дахлдор доир ба рушди бонизоми иқтисоди кишвар, баланд бардоштани нишондодҳои истеҳсолӣ, муҳайё намудани ҷойҳои нави корӣ ва таъмини фаровонӣ дар бозори истеъмолии кишвар супоришҳои мушаххас дод.
Таваҷҷўҳи зиёд, ҳамчунин ба вусъати корҳои ободонию созандагӣ, омодагии ҷиддӣ ба мавсими тирамоҳу зимистони солҳои 2011-2012, дар сатҳи баланди ташкилӣ омода кардани тантанаҳои бахшида ба таҷлили солгарди 20 истиқлоли давлатии Тоҷикистон, аз ҷумла чорабиниҳои оммавии фарҳангию варзишӣ зоҳир гардид.
Аз мардуми саховатпеша даъват карда шуд, ки дар рўзҳои моҳи шарифи рамазон, иди саиди фитр ва таҷлили 20 – солагии истиқлолияти давлатии Тоҷикистон ба табақаҳои ниёзманди аҳолӣ, пеш аз ҳама ятимону бепарасторон, маъюбон, пирону барҷомондагон ва оилаҳои камбизоат дасти кўмак дароз намоянд.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста