Сафири ИМА дар Тоҷикистон Элизабет Миллард ба вазифаи нав таъин шуда, акнун Душанберо тарк мекунад. Ба ҳайси сафири Тоҷикистон ӯ каме бештар аз якуним сол (аз охири соли 2015) фаъолият намуд.
Рӯзи 31-уми август сафир Миллард бо мақсади иҷрои вазифа ба ҳайси роҳбари Бюро оид ба масоили Аврупо ва Евразия дар Департаменти давлатии ИМА, Тоҷикистонро тарк менамояд. Дар ин бора дар сомонаи расмии сафорати ИМА дар Тоҷикистон иттилоъ дода мешавад.
«Ба чунин вазифаи баланд таъин гардидан шарафи калон аст, аммо барои сафир Миллард падруд бo Тоҷикистон ниҳоят мушкил аст, - омадааст дар сомонаи сафорат. - Дар муддати якуним сол ӯ аз табиати зебои Тоҷикистон, фарҳангу забони ғании он, ба хусус, меҳмоннавози халқи он ҳаловат мебурд».
Гуфта мешавад, давоми фаъолияти кории ӯ, Иёлоти Муттаҳида ва Тоҷикистон ҳамкориро дар доираи платформаи С5+1 пурзӯр намуданд, ки он ба панҷ давлати Осиёи Марказӣ ва ИМА имконият дод, то ҳамкориро дар ҷодаи манофеи муштарак амалӣ созанд.
«Ду кишвар 25 солагии истиқрори муносибатҳои дипломатиро қайд намуданд, ки ин шарикӣ ба пешрафти ҳамкорӣ дар соҳаҳои маориф, тандурустӣ, соҳибкорӣ, кишоварзӣ, инчунин ҳамкориҳои низомӣ мусоидат менамояд, - қайд мешавад дар хабар. - Кормандони Сафорати ИМА дар Тоҷикистон аз он фахр доранд, ки бо Сафир Миллард якҷоя кор карданд, ва ба ӯ дар иҷрои вазифаи пурмасъулаш муваффақият орзу менамоянд».
Зимнан зикр мегардад, ки сафири нави ИМА дар Тоҷикистон ҳоло таъин нашуда, муовини роҳбари намояндагии дипломатӣ Кевин Коверт ҳамчун кордори сафорат пас аз рафтани сафир Миллард фаъолият хоҳад кард.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Зери шиори “дастгирии истеҳсоли ватанӣ”. Волидайнро маҷбур доранд пойафзори мактабиро аз як корхона харанд
Шиносоии Эмомалӣ Раҳмон аз ҷараёни корҳои сохтмонӣ дар НБО “Роғун”
Маҳдудияти нави Толибон. Мардон шими ҷинс напӯшанд ва мӯйи сари худро “ғайриисломӣ” ороиш накунанд
Ба довталабони Хуҷанд ва Душанбе тарзи ба донишгоҳҳои Русия ва Белорус дохил шуданро мегӯянд
"Модарам маро аз фарзандонам ҷудо кард". Чӣ гуна гирифторони ВНМО дар Тоҷикистон ба табъиз дучор мешаванд?
КҲФ аз хатари омадани сел дар маҳалҳо дар ду рӯзи наздик огоҳ кард
“Дар дилхоҳ ҷой метавонанд харанд”. Шарҳи Вазорати маориф ва илм ба баҳси хариди иҷбории сару либоси мактабӣ
“Аудиокитоб” бо Субҳон Ҷалилов. Маснавии маънавӣ. Ҳикояи "Хӯрандагони бачаи фил"
Эмомалӣ Раҳмон як хатти интиқоли барқи НБО “Роғун”-ро ба истифода дод
Нархи чипта 900 сомонӣ. Парвози ҳавопаймо ба Хоруғ дигарбора барқарор шуд
Кулли ахбор
Авторизуйтесь, пожалуйста