Дар қасри Ҳофбург, Вена 15 май таҳти раёсати Тоҷикистон ҷаласаи умумии навбатии Форуми ҳамкории амниятии САҲА (FSC) баргузор гардид. Ҷаласа ба баррасии раванди татбиқи қатъномаи Шӯрои Амнияти СММ 1540 (масъалаҳои адами интишори силоҳи қатли ом) бахшида шуда буд.
Бино ба иттилои Вазорати корҳои хориҷии ҷумҳурӣ, дар нишасти мазкур директори Агентии амнияти ядроӣ ва радиатсионии Академияи илмҳои Тоҷикистон Илҳом Мирсаидов ба ҳайси гузоришгари калидӣ роҷеъ ба раванди татбиқи муқаррароти қатъномаи Шӯрои Амният СММ 1540 дар кишвари мо гузориш ироа намуд.
Гуфта мешавад, дар ҷараёни ҷаласаи умумӣ ҳолати кунунӣ ва дурнамои талошҳои муштарак ҷиҳати пешгирии интишори силоҳи қатли ом, аз қабили силоҳи ҳаставӣ, химиявӣ ва биологӣ, фановариҳои таҳвили онҳо, инчунин масъалаҳои рафъи мушкилот ва чолишҳо дар ин самт баррасӣ гардиданд.
Дар суханронии худ намояндаи Тоҷикистон роҷеъ ба қонунҳо ва санадҳои меъёрӣ-ҳуқуқии соҳавии мавҷуда, ки масъалаҳои адами интишори силоҳи қатли ом ва назорати содироти онҳоро дар Тоҷикистон ба танзим медароранд, ба кишварҳои узви САҲА гузориши муфассал ироа кард.
Ширкаткунандагони ҷаласа бо сохтори Агентии амнияти ядроӣ ва радиатсионӣ ва Маркази минтақавии омӯзишӣ оид ба пешгирии интишори силоҳи қатли ом ва назорати содирот барои давлатҳои Осиёи Марказӣ, Қафқоз ва Афғонистон, ки дар шаҳри Душанбе мустақар буда, барои таълиму тадриси коршиносони соҳа дар минтақа саҳми сазовор мегузорад, шинос карда шуданд.
Гузашта аз ин, И. Мирсаидов роҷеъ ба лоиҳаҳои марбут ба пешгирӣ аз интишори силоҳи қатли ом ва назорати содироти он, ки аз ҷониби Ҳукумати Ҷумҳурии Тоҷикистон дар ҳамкорӣ бо шарикони байналмилалӣ татбиқ гардидаанд, маълумот пешниҳод кард.
Ҷаласаи мазкур, ки ба 25-умин солгарди тасвиби Усулҳои САҲА роҷеъ ба танзими адами интишор (аз 3 декабри соли 1994) рост омад, заминаи мусоидро ҷиҳати муҳокимаи чораҳои амалӣ роҷеъ ба таҳкими мусоидати САҲА дар татбиқи барномаҳои ихтиёрии миллӣ дар пасманзари омодагиҳо ба арзёбии фарогири раванди татбиқи қатъномаи 1540, ки соли 2021 ба нақша гирифта шудааст, фароҳам овард.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Кулли ахбор
Авторизуйтесь, пожалуйста