Дар шаҳри Бишкек таҳти раёсати Ҷумҳурии Қирғизистон санаи 22 майи соли равон ҷаласаҳои Шӯроҳои вазирони корҳои хориҷии Созмони ҳамкории Шанхай (СҲШ) ва Созмони Аҳдномаи аҳдномаи дастаҷамъӣ (СААД) баргузор гардиданд.
Бино ба иттилои Вазорати корҳои хориҷии ҷумҳурӣ, дар кори ин ҷаласаҳо ҳайати Ҷумҳурии Тоҷикистон бо сарварии вазири корҳои хориҷӣ Сироҷиддин Муҳриддин ширкат варзид.
Гуфта мешавад, роҳбарони ҳайатҳои давлатҳои аъзои СҲШ-ро Президенти Ҷумҳурии Қирғизистон Сооронбой Жээнбеков ба ҳузур пазируфт.
Нимаи аввали рӯз ҷаласаи Шӯрои вазирони корҳои хориҷии давлатҳои аъзои СҲШ барпо гардид, ки дар доираи он тарафҳо рафти татбиқи мувофиқаҳои қаблан ҳосилшуда ва омодагиро ба иҷлосияи навбатии Шӯрои сарони давлатҳои СҲШ мавриди баррасӣ қарор доданд.
Зимни суханронии Сироҷиддин Муҳриддин мавқеи Тоҷикистон оид ба ҷанбаҳои асосии ҳамкориҳо дар доираи СҲШ баён гардида, масъалаҳои рӯзмарраи байналмилалӣ ва минтақавӣ низ қайд карда шуданд.
Нимаи дуюми рӯз Вазири корҳои хориҷии Тоҷикистон дар ҷаласаи Шӯрои вазирони корҳои хориҷии СААД иштирок кард.
Пас аз вохӯрӣ бо Президенти Қирғизистон Сооронбой Жээнбеков, вазирони корҳои хориҷии давлатҳои аъзои СААД масоили доғи соҳаи амнияти байналмилалӣ ва минтақавӣ, ҳамкориҳои давлатҳои аъзо дар доираи Созмон ва дар арсаи байналмилалӣ, муқовимат ба терроризм ва экстремизми байналмилалӣ, инчунин дигар масъалаҳои қобили таваҷҷуҳи давлатҳои аъзои СААД-ро муҳокима намуданд.
Зикр мегардад, ки дар рафти суханронӣ зимни ҷаласаи Шӯрои вазирони корҳои хориҷии СААД Сироҷиддин Муҳриддин мавқеи Тоҷикистонро доир ба масъалаҳои рӯзномаи ҷаласа иброз дошта, аз ҷумла ба вазъи ноором дар марзҳои ҷанубии минтақаи таҳти масъулияти СААД, махсусан дар ҳамсоякишвари Афғонистон ишора кард.
Ӯ ҳамчунин кӯшишҳои муштаракро ҷиҳати муборизаи самарабахш бо терроризм ва экстремизм, кам кардани таҳдидҳое, ки аз марзҳои ҷанубии Созмон сар мезананд, заруру арзёбӣ намуд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста