Дар ҷараёни як чорабинии дурӯза дар Теҳрон вазъи кунунӣ ва дурнамои муносибатҳои Тоҷикистону Эрон баррасӣ шуданд.
Бино ба иттилои Вазорати корҳои хориҷии ҷумҳурӣ, дар Теҳрон рӯзҳои 28-29 май нишасти Кумитаи пайгирии иҷрои бандҳои Протоколи ҷаласаи 12-уми Комиссияи муштараки ҳамкориҳои иқтисодиву тиҷоратӣ ва техникиву фарҳангии Ҷумҳурии Тоҷикистон ва Ҷумҳурии Исломии Эрон баргузор гардид
Гуфта мешавад дар он ҳайати Тоҷикистон бо сарварии муовини вазири энергетика ва захираҳои оби Ҷумҳурии Тоҷикистон Ҷамшед Шоимзода ширкат варзид.
Нишаст бо суханронии роҳбари ҳайати эронӣ, мушовири Вазири нерӯи Эрон Фарҳоди Яздондӯст, Ҷамшед Шоимзода ва сафири Тоҷикистон дар Эрон Н.Зоҳидӣ оғоз гардида, дар идомаи он ҷонибҳо вазъи кунунии ҳамкориҳои Тоҷикистону Эронро дар соҳаҳои гуногун ва роҳҳои татбиқи қарорҳои ҷаласаи 12-уми Комиссияи муштараки ҳамкориҳои иқтисодиву тиҷоратӣ ва техникиву фарҳангии Ҷумҳурии Тоҷикистон ва Ҷумҳурии Исломии Эронро баррасӣ намуданд.
Зимнан зикр мегардад, ки нишаст бо имзои Протоколи Кумитаи пайгирӣ, ки дар он мувофиқатҳои ҳосилшуда зикр шудаанд, ба анҷом расид.
Қобили зикр аст, ки муносибатҳо байни Тоҷикистону Эрон соли 2016, пас аз раиси Ҳизби наҳзати исломии Тоҷикистон Муҳиддин Кабириро ба конфронси байнулмилалӣ даъват кардани Эрон ба сардӣ гароид. Фаъолияти ин ҳизб дар Тоҷикистон манъ ва раиси он мавриди ҷустуҷӯ эълон шудааст.
Ахиран сафирони ҳарду кишвар иваз шуданд. Низомиддин Зоҳидӣ санаи 10 апрели соли равон роҳбари намояндагии дипломатии Тоҷикистон дар Эрон таъин шуд. Аввали моҳи март дар сафоратхонаи Эрон дар Тоҷикистон низ тағйирот сурат гирифта, вазифаи сафири Эрон дар Тоҷикистон ба дӯши Муҳаммадтақӣ Собирӣ вогузор шуд.
Бино ба маълумоти расмии омории Тоҷикистон, тӯли панҷ соли охир ҳаҷми муомилоти мол байни Тоҷикистону Эрон се баробар – аз қариб 295 млн. доллар дар соли 2013 то ба 97 млн. доллар дар соли 2018 кам шудааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста