Русия ба рушди забони русӣ дар Тоҷикистон маблағгузорӣ мекунад. Дар ин бора муовини раиси Кумитаи Думаи давлатӣ оид ба умури ИДМ, ҳамгироии авруосиёӣ ва робита бо ҳамватанон, вакил аз фраксияи “Единая Россия” Виктор Водолатский ба “Дума ТВ” изҳори назар кардааст.
Вакил гуфтааст, ки ин зинаҳои як низоми таҳсил: мактаб, давраҳои омӯзишии омодагӣ, маркази захиравӣ ва минбаъд бакалавриат оид ба ихтисос мешавад.
Водолатский дар ҳайати Русия таҳти роҳбарии раиси Думаи давлатӣ охири ҳафтаи гузашта ба Тоҷикистон омада буд.
Ёдрас мекунем, ки моҳи июли соли ҷорӣ муовини вазири мариф ва илми Тоҷикистон Фатҳиддин Усмонзода изҳор дошта буд, ки то охири соли равон бунёди 5 мактаби таҳсилашон ба забони русӣ дар Тоҷикистон оғоз мешавад.
“Айни замон корҳои муайян ба сомон расонида шуда, ҳам аз ҷониби Тоҷикистон ва ҳам аз ҷониби Русия сохтор ва шахсони масъул интихобу лоиҳаҳои ин мактабҳо таҳия мегарданд. Умедворем, ки то охири ҳамин сол корҳо оғоз мешаванд”, - гуфта буд муовини вазир ба рӯзноманигорон.
Дар навбати худ вазири маориф ва илми кишвар Нуриддин Саид дар ин робита изҳор дошт, ки барои бунёди 5 мактаб аллакай қитъаҳои замин ҷудо шудааст.
“Дар шаҳрҳои Кӯлобу Бохтар, Хуҷанду Душанбе ва Турсунзода қитъаҳои замин кайҳост, ки ҷудо шудааст. Ҷониби Русия ин қитъаҳоро аз назар гузаронида, интихоб кард. Дар Душанбе ин мактаб дар маҳаллаи Зарафшон сохта мешавад”, - гуфта буд ӯ.
Вазир ҳамчунин зикр карда буд, ки ҳар яки ин мактабҳо барои 1240 нафар ҷойи нишаст пешбинӣ гардида, бо таҳҳизот ва озмоишгоҳҳои зарурӣ таъмин хоҳанд шуд.
Тибқи маълумот оморӣ, имрӯз дар Тоҷикистон 25 мактаби таҳсилоти умумӣ ба забони русӣ амал мекунанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста