Бо вуҷуди мувофиқаи шифоҳии қитъаҳои баҳсии сарҳади ду кишвар, ки моҳи марти соли 2018 зимни сафари раисҷумҳури Ӯзбекистон Шавкат Мирзиёев ба Тоҷикистон ҳосил шуда буд, дар ин бора то ҳол санади ниҳоӣ ба имзо нарасидааст.
Тавре ба “Азия-Плюс” як манбаъ аз ҳукумати Тоҷикистон хабар дод, баъд аз сафари давлатии Мирзиёев ба Душанбе гурӯҳҳои кории иборат аз геодезистону харитасозон, намояндагони вазорату идораҳои дахлдори Тоҷикистону Ӯзбекистон ба анҷоми расмиёти ҳуҷҷатии шартнома дар бораи таъйин ва аломатгузории сарҳад оғоз карданд.
“То имрӯз лоиҳаи шартномаи мувофиқашуда дар бораи сарҳади Тоҷикистону Ӯзбекистон барои имзо омода буда, ба он харитаҳо бо ишораи дақиқи хати сарҳади кишварҳо замима шудааст. Ба ҷуз ин, ҷойҳои гузоштани сутунпояҳои сарҳадӣ байни кишварҳо низ мувофиқа шудаанд”, - гуфт манбаъ.
Имзои шартнома аз ҷониби сарвазирони Тоҷикистону Ӯзбекистон дар ҷаласаи навбатии комиссияи байниҳукуматӣ оид ба масоили марзӣ дар назар аст, ки баргузории он то охири соли равон дар Душанбе пешбинӣ шудааст.
“Бо назардошти он, ки 22-юми декабри соли 2019 дар Ӯзбекистон интихоботи парлумонӣ доир мегардад, ҷаласаи комиссияи байниҳукуматӣ эҳтимол дар моҳи январ ё феврали соли 2020 гузаронида шавад”, - афзуд манбаъ.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Кулли ахбор
Авторизуйтесь, пожалуйста