Сокини шаҳри Панҷакент Иброҳимҷон Юсуфбеков ба унвони раисони палатаи болоӣ ва поёнии парлумони ҷумҳурӣ Рустами Эмомалӣ ва Маҳмадтоир Зокирзода ариза фиристода, дархост намудааст, ки номзадии ӯро дар маъракаи интихоботи президентӣ ба қайд гиранд.
Бино ба иттилои хабаргузории Pressa.tj, дар аризаи худ Юсуфбеков навиштааст, ки ҳадафаш аз ширкат кардан дар интихобот истифода аз ҳуқуқи шаҳрвандии худ ва дастгирии президенти кишвар Эмомалӣ Раҳмон аст.
Иброҳимҷон Юсуфбеков корманди бахши фарҳанги шаҳри Панҷакент ва узви Ҳизби халқии демократии Тоҷикистон аст.
“Ман узви собиқадори ҲХДТ ва яке аз фаъолони ҷомеаи шаҳрвандӣ ҳастам. Дар ҳама чорабиниҳои давлативу сиёсӣ ва фарҳангии шаҳри Панҷакент ва водии Зарафшон ширкат мекунам, - изҳор доштааст ӯ ба хабаргузорӣ. - Ман мехоҳам, ки ё Пешвои миллат ё фарзандашон Рустами Эмомалӣ ба сифати номзад дар интихобот пешбарӣ шаванд ва ман низ дар канорашон бошам. Баъд аз он ки корзори интихобот шурӯъ шуд, номзадии тарафдоронамро ба ин нафарон бубахшам”.
Ба гуфтаи Юсуфбеков, соли равон ӯ дар интихоботи парлумонӣ низ ширкат варзида, лекин ба палатаи поёнии парлумон роҳ наёфтааст.
Интихоботи президенти Тоҷикистон санаи 11 октябри соли равон таъин шуда, аз 7 ҳизби сиёсии дар ҷумҳурӣ амалкунанда то ин дам танҳо Ҳизби аграрӣ Рустам Латифзодаро номзади худ пешбарӣ кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста