Дар шаҳри Душанбе рӯзи 22 август анҷумани пешазинтихоботии Ҳизби сотсиалистии Тоҷикистон (ҲСТ) доир гардид.
Дар ин анҷуман вакилон пешвои ҳизби худ - раиси ҲСТ Абдуҳалим Ғаффоровро номзад ба мансаби президенти Тоҷикистон пешбарӣ намуданд.
Зимни суханронӣ дар анҷуман Ғаффоров қайд кард, ки тӯли 24 соли мавҷудият ҳизб дар ҳамаи рӯйдоду ҷараёнҳои сиёсии кишвар иштирок кардааст.
Дар барномаи пешазинтихоботии ҲСТ масъалаи интихоби кадрҳо дар сохторҳои давлатӣ, рушди соҳаи тандурустӣ, хусусигардонии моликияти давлат, масоили рушди фарҳангу маориф аз ҷумлаи афзалиятҳои муҳим ба шумор мераванд.
Қобили зикр аст, ки номзадии Абдуҳалим Ғаффоров дар интихоботҳои президентии соли 2006 ва 2013 низ пешбарӣ гардида буд. Он замон ӯ мутаносибан 2,8% ва 1,5% овозҳои интихобкунандагонро ба даст оварда буд.
Ҳизби сотсиалистии Тоҷикистон 15-уми июни соли 1996 дар анҷумани Хуҷанд таъсис дода шуд. Муассиси ҳизб адвокати маъруф, собиқ раиси парлумон Сафаралӣ Кенҷаев буд.
Рӯзи 6-уми августи соли 1996 ин ҳизб дар Вазорати адлияи Тоҷикистон ба қайд гирифта шуд. Сафаралӣ Кенҷаев 30-юми марти соли 1999 дар шаҳри Душанбе кушта шуд.
Соли 2000 олими соҳаи физика Мирҳусейн Назриев раиси ҳизб интихоб шуд.
Аввали соли 2004 ҳизб ба ду ҷиноҳ тақсим шуд. Яке аз ҷиноҳҳо бо роҳбарии Абдуҳалим Ғаффоров раиҷумҳур Эмомалӣ Раҳмонро дастгирӣ карда, ҷиноҳи дигар таҳти сарварии Мирҳусейн Назриев мавқеи мухолифи ҳукуматро дошт.
Ҳар ду ҷиноҳ ҳам номи “Ҳизби сотсиалистии Тоҷикистон”-ро барои худ нигоҳ доштанӣ буданд, аммо Вазорати адлия зери ин ном ҷиноҳи Абдуҳалим Ғаффоровро сабтином кард.
Ёдрас мекунем, ки интихоботи навбатии президенти Тоҷикистон ба рӯзи 11 октябри соли равон таъин шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста