Раиси Ҳизби сотсиал-демократии Тоҷикистон (ҲСДТ) Раҳматилло Зойиров изҳор дошт, ки номзадиашро ба мансаби президент пешбарӣ намекунад. Ӯ изҳори умедворӣ намуд, ки шӯрои сиёсии ҳизб ба интихобот таҳрим (бойкот) эълон мекунад.
Дар изҳороти худ дар саҳифаи Фейсбук Зойиров менависад, “қонуни амалкунандаи конститутсионӣ дар бораи интихоботи президенти ҶТ пеш аз Конститутсияи амалкунандаи ҶТ қабул шуда, зимни қабули он дар Конститутсия ниҳод дар бораи интихоботи президенти ҶТ вуҷуд надошт, яъне аз замони қабул ин қонун зиддиконститутсионӣ аст”.
Раиси ҲСДТ қайд мекунад, ки талаботи Конститутсияи Тоҷикистон аз 6 ноябри соли 1994 пас аз қабули он дар бораи таҳия ва қабули қонунҳои конститутсионӣ вобаста ба ин қонун риоя нашудаанд.
Президенти амалкунандаи Тоҷикистон, менависад раиси ҲСДТ, ба раиси ҳизби сиёсӣ будан ҳуқуқ надорад, илова бар ин низоми бисёрҳизбӣ дар кишвар вайрон шуда, дар кишвар, ба гуфтаи ӯ, амалан низоми яккаҳизбӣ ҷорӣ шудааст.
Раиси Ҳизби сотсиал-демократҳо ҳизбҳои сиёсиро дар хиёнат ба манфиати мардум гунаҳкор медонад: Зойиров бар ин назар аст, ки дар вақти қабули қонун дар бораи Комиссияи марказии интихоботии “беҳизбӣ” ин ҳизбҳо бо ҳукумат маслиҳат карда, ба ташкили комиссияҳои интихоботӣ аз ҷониби сарвари давлат, ҳокимияти иҷроия ва Ҳизби ҳокими халқии демократии Тоҷикистон овоз доданд. Аз 31 ҳазор аъзои комиссияҳои интихоботӣ, қайд мекунад Зойиров, беш аз 25 ҳазор нафарашон аъзои Ҳизби ҳокими халқии демократӣ мебошанд.
Ба ақидаи Зойиров, “ҳамаи комиссияҳои интихоботӣ ва ҳамаи субъектҳои пешбарии номзадҳо ба мансаби президентӣ (аҳзоби сиёсӣ, Маҷлисҳои вакилони халқи вилоятҳо, Кумитаи кор бо ҷавонон ва ғайра) сохтори ҳокимияти иҷроия мебошанд ва фаъолияти худро бевосита ба манфиати сарвари давлати амлкунанда роҳандозӣ мекунанд”.
“Ман ҳамчун шаҳрванди Тоҷикистон ва раиси ҲСДТ, дар таъмини қонунӣ будани интихоботи кунунии ғайриқонунӣ, зиддиконститутсионӣ ва зиддимардумии президенти Тоҷикистон иштиок карданӣ нестам”, - изҳор доштааст раиси ҲСДТ.
Дар фарҷом ӯ изҳори умедворӣ намудааст, ки шӯрои сиёсии ҳизб ба интихобот таҳрим (бойкот) эълон мекунад.
Ёдрас мекунем, ки интихоботи навбатии президенти Тоҷикистон ба рӯзи 11 октябри соли равон таъин шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста