Дафтари барномаҳои САҲА дар Душанбе (Дафтари барномаҳо) фаъолияташро дар соли 2021 дар Тоҷикистон мутобиқи ваколатҳои мавҷуда ва афзалиятҳои муҳими кишвари мизбон дар доираи ҳар се ченаки муносибати ҳамаҷониба ва ба ҳамкорӣ асосёфтаи САҲА ба амният пеш мебарад.
Тавре дар сомонаи ин ниҳод хабар дода мешавад, Созишномаи кори муштараки САҲА ва Ҳукумати Тоҷикистон дар ҷаласаи солонаи Платформаи Шарикии САҲА дар шаҳри Душанбе санаи 15 октябри 2020-ум эълон карда шуд. Дар ин мулоқот мансабдорони баландпояи мақомоти давлатии Тоҷикистон ва намояндагони САҲА ширкат варзиданд.
Гуфта мешавад, роҳбари Дафтари барномаҳои САҲА дар Душанбе Сафир Валериу Кивер қайд кард, ки барои Дафтар гузаронидани Платформаи Шарикӣ тавассути интернет ҳолати ғайриоддӣ мебошад. Бо вуҷуди ин, дар шароити ҳозираи пандемия, формати онлайн имконияти бехавфтарин ва беҳтарини баргузор намудани музокирот (муошират) бо ҳамкорон мебошад.
“Дафтари барномаҳои САҲА ҳамкорони худро дар мубориза бо мушкилоти паҳншавии COVID-19 дастгирӣ мекунад ва омода аст минбаъд низ беҳтар намудани иқтидори кории ҳамкорони маҳаллии худро дастгирӣ кунад”, - гуфтааст Сафир Кивер.
Иҷрокунандаи вазифаи Дабири кулли САҲА Туула Юрёля аҳамияти машваратии Платформаи Шарикиро барои идомаи ҳамкории устувор ва амалии САҲА ва Тоҷикистон қайд кард. Вай ба Дафтари барномаҳои САҲА дар Душанбе барои гузариши босуръат ба расонидани кӯмак ва мутобиқ намудани фаъолияти он баҳри дастгирии Тоҷикистон изҳори миннатдорӣ намуд.
Иҷрокунандаи вазифаи Дабири кулл инчунин барои нақши Тоҷикистон дар дастгирии ҳамкориҳои қавӣ ва таҳкими субот дар минтақа арзи сипос намуд. Вай, аз ҷумла, ба кори Коллеҷи САҲА барои ҳайати роҳбарикунандаи марзбон (BMSC) дар Душанбе баҳои баланд дод.
Муовини вазири корҳои хориҷии Ҷумҳурии Тоҷикистон Музаффар Ҳусейнзода қайд кард: “Бояд таъкид кард, ки чунин василаи ҳамкорӣ ва муколама байни кишвари мизбон ва Созмон бо иштироки доираи васеи коршиносон ва намояндагони вазорату идораҳои дахлдор дар минтақаи САҲА таҷрибаи беназир мебошад. Ин мулоқот ба мо имкон медиҳад, ки баррасии ҳамаҷонибаи ҳамкориҳои дуҷонибаро тавассути таҳияи лоиҳаҳои муштарак дар се самти андозагирии Созмон анҷом диҳем.”
Платформаи Шарикӣ соли 2018 ба хотири тақвият бахшидани ҳамкориҳои Дафтари барномаҳои САҲА ва Тоҷикистон дар асоси шарикии ҳақиқӣ, моликияти маҳаллӣ, ошкорбаёнӣ ва шаффофият таъсис дода шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
Кулли ахбор
Авторизуйтесь, пожалуйста