Доктор Абдуллоҳ Абдуллоҳ, раиси Шӯрои Oлии мусолиҳаи миллии Ҷумҳурии Исломии Афғонистон дар дидор бо раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода гуфтааст, ки "Тоҷикистон таҷрибаи хубе дар хатми ҷанги дохилӣ ва даст ёфтан ба сулҳу рифоҳ дорад ва метавонад Афғонистонро дар ин росто ҳамкорӣ намояд". Ин нуктаро Доктор Абдуллоҳ Абдуллоҳ дар саҳфаи расмии фейсбукии худ навиштааст.
Доктор Абдуллоҳ Абдуллоҳ бо як сафари кории дурӯза имрӯз вориди Душанбе шуд ва пеш аз зуҳр бо Маҳмадтоир Зокирзода дидор дошт.
Бино ба иттилои дафтари матбуоти Маҷлиси намояндагони Тоҷикистон, Маҳмадтоир Зокирзода дар ин дидор гуфтааст, ки “густариши муносибатҳои дӯстӣ ва ҳамкории мутақобилан судманд бо Афғонистон яке аз самтҳои афзалиятноки сиёсати хориҷии Ҷумҳурии Тоҷикистон ба ҳисоб меравад".
"Муссалам аст, ки кишварҳои мо дар сатҳи минтақа низ манфиатҳои зиёди муштарак доранд. Маҳз ҳамин омил ва пайвандҳои ногусастании таърихию фарҳангӣ моро водор месозад, ки ҳарчи бештар ҳамкории воқеан судманду фаррохро дар асоси манфиатҳои дуҷониба рушду густариш бахшем”.
Абдуллоҳ Абдуллоҳ ҳамчунин навиштааст, ки Маҳмадтоир Зокирзода "ҳимояти Маҷлиси намояндагон ва кишварашро аз талошҳои сулҳ дар Афғонистон эълом кард". Ба навиштаи Абдуллоҳ Абдуллоҳ онҳо ҳамчунин дар мавриди "талошҳои сулҳ, музокирот бо "Толибон", нақши кишварҳои минтақа дар таъмини сулҳ, сафарҳои минтақаӣ барои касби иҷмоъи минтақаӣ дар ҳимоят аз сулҳ ва нақши Ҷумҳурии Тоҷикистон дар таъмини сулҳ дар Афғонистон ба тафсил суҳбат кардем".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
Кулли ахбор
Авторизуйтесь, пожалуйста