Эмомалӣ Раҳмон дар Наврӯз ба шаҳри Бохтари вилояти Хатлон сафар хоҳад кард, ки гуфта мешавад ба корҳои омодагӣ ба ҷашни 30-солагии Истиқлоли Тоҷикистон шинос мешавад. Ин сафари Эмомалӣ Раҳмон дар ҳолест, ки пештар Вазорати фарҳанг гуфта буд, ки дар ҷашнҳои наврӯзии соли 2021 иштироки президенти кишвар дар назар нест.
Абдуҷаббор Раҳмонзода, ёрдамчии раисиҷумҳури Тоҷикистон дар умури иҷтимоӣ ва робита бо ҷомеа ба “Азия -Плюс” гуфт, ки дарвоқеъ, рӯзи 22 март дар назар аст, ки Эмомалӣ Раҳмон бо сафари корӣ ба вилояти Хатлон меравад. Аммо ба гуфти Раҳмонзода "ин сафар дар доираи ҷашнгириҳои наврӯзӣ набуда, балки як сафарӣ корӣ барои ошноӣ ба корҳои омодагӣ ба ҷашни 30-солагии истиқлол аст".
Ҳамчунин сухангӯйи раиси вилояти Хатлон Носирҷон Маъмурзода низ ба “Азия-Плюс” гуфт, ин сафар берун аз ҷашнгириҳои Наврӯз аст.
“Мо омодагиҳои худро барои омадани президенти кишвар Эмомалӣ Раҳмон гирифта истодаем. Вобаста ба ҷашни наврӯзӣ ва Истиқлолияти кишвар дар тамоми шаҳру ноҳияиҳои кишвар барои дар сатҳи баланд таҷлил кардани ҷашни 30-солагии истиқлолияти кишвар омодагӣ гирифта истоданд. Аз ҷумла барои сафари президент ба вилояти Хатлон мо ҳаматарафа тайёрӣ дида истодаем", - гуфт Маъмурзода.
Носирҷон Маъмурзода мегӯяд, тибқи дастури Ситоди ҷумҳуриявии муқобила бо коронавирус дар Тоҷикистон, дар мавриди ҷашни Наврӯзи соли 2021, дар кишвар танҳо иҷозат шудааст, ки дар шакли сайругаштҳои оммавӣ ва консертҳо дар боғҳо гузаронида шавад. Дар мактуби ин ниҳод таъкид шудааст, ки бояд талаботи Ситод риоя карда шавад, аз ҳамин хотир сафари прездентро мо наметавонем ба Наврӯз рабт диҳем, мегӯяд ӯ.
Чанде пештар ҳам, Мирзоолим Саидов, сардори Раёсати санъати Вазорати фарҳанги Тоҷикистон ба "Азия Плюс" гуфта буд, ки "мо ягон чорабинии калон дар бораи ҷашни Наврӯз надорем, барномаҳои гуногуни идона дар назар аст, аммо ҷашни асосӣ нест, тибқи супориши Ситоди ҷумҳурӣ. Танҳо дар толорҳои консерт ва театрҳо ҷорабиниҳо дар назар гирифта шудааст, дар бораи ширкати Презденти кишвар Эмомалӣ Раҳмон омодагӣ дар ҷашнҳои наврӯзӣ ба мо ягон дастур нашудааст".
Наврӯз ҷашни миллии мардуми ориёнажод ва яке аз куҳантарин ҷашнҳои тамаддуни башарӣ аст. Тоҷикистон ба унвони яке аз меросбарони асосии тамаддуни Наврӯз ҳамасола аз ин ҷашн истиқболи сазовор мекунад. Созмони Милали Муттаҳид дар моҳи феврали соли 2010 Наврӯзро иди ҷаҳонӣ эълон кард.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста