Тоҷикистон имсол дар шохиси озодии баён боз як зина поинтар рафт ва дар миёни 181 кишвар мақоми 162-юмро гирифт. Ин гузориш ҳамасола дар пешорӯйи рӯзи ҷаҳонии озодии баён аз сӯйи "Гузоришгарони бидуни марз" нашр мешавад.
Таҳиягарони гузориш гуфтаанд, ки дар Тоҷикистон мақомот, мисли Русия, “мубориза бо хабарҳои дурӯғин дар бораи COVID-19-ро ҳамчун баҳонаи маҳдудкунии минбаъдаи матбуот истифода карданд”.
Дар ин гузориш аз Тоҷикистон ба унвони як кишвари худкома ном бурда мешавад ва гуфта мешавад, ки мақомот имкон доранд ҳама гуна хабар дар расонаҳо ва шабакаҳои иҷтимоиро дар бораи бемориҳои сироятӣ ҳамчун хабари "бардурӯғ" ва "носаҳеҳ" ҳисоб кунанду муаллифони онҳо бидуни ду маоши ҳадди аққал бимонанд ё барои 15 рӯз маҳбус шаванд.
Ба гуфтаи муаллифони гузориш ин рӯзноманигоронро дар истифодаи иттилотти марбут ба Covid-19 ба худсонсурӣ савқ додааст, ба ҷуз хабарҳои расмӣ.
Дар мақоми 162 қарор гирифтани Тоҷикистон дар ҳолест, ки солҳои қабл кишвари мо дар миёни кишварҳои пасошӯравӣ ва Осиёи Марказӣ яке аз мақомҳои аввалро дошт. ИН нукта ҳатто боиси ифтихори Эмомалӣ Раҳмон раисҷумҳури Тоҷикистон дар ҷашнгирии 100-солагии матбуоти тоҷик шуда буд.
"Тибқи арзёбии коршиносони байналмилалӣ матбуоти кишвари мо имрӯз дар қиёс бо бисёр кишварҳо аз дидгоҳи озодии баён пешрафта мебошад. Ба таъбири дигар, матбуот ба мақсаду мароми халқ ва арзишу манфиатҳои миллӣ наздиктар шуд",-гуфта буд президенти кишвар дар суханронияш.
Дар ин гузориш гуфта шудааст, ки дар 132 кишвари ҷаҳон рӯзноманигорон ба мушкилот рӯ ба рӯ ҳастанд.
Русия дар шохиси имсола боз як зина пойинтар рафта мақоми 150-уро гирифтааст. Белорус (мақоми 158) саркӯбкунандатарин ва хатарноктарин кишвари озодии баёнд дар Аврупо ном бурда шудааст.
Дар миёни кишварҳои дигари Осиёи Марказӣ мақоми аз ҳама хубтарро Қирғизистон (79) дорад. Ба дунболи он Қазоқистон дар мақоми 155, Узбакистон 157 ва Туркманистон аз ҳама бадтарин дар Осиёи Миёна ва яке бадтаринҳо дар сатҳи ҷаҳон мақоми 178-ро гирифтаанд.
Имсол ҳам мисли солҳои қабли Норвеж, Финлонд ва Шведсия мақоми се кишвари аввали аз ҳама роҳат ва муносиб барои фаъолияти рӯзноманигориро ҳифз кардаанд.
Тоҷикистон соли 2009 дар ин шохис дар миёни кишварҳои Осиёи Марказӣ дар мақоми аз ҳама баландтар 113-ум ҷой дошт. Қирғизистон он замон дар мақоми 125, Қазоқистон 142, Узбекистон 160-е место ва Туркманистон дар мақоми 173 қарор доштанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста