Владир Путин дар дидор бо Содир Ҷабборов раисҷумҳури Қирғизистон гуфт, ки аз вазъи сарҳади Тоҷикистону Қирғизистон сахт нигарон аст. Ин мулоқоти президенти Русия бо Ҷабборов дирӯз дар Сочи баргузор шуд.
Кремлин хабар медиҳад, ки Путин ба Ҷабборов гуфтааст, ки мо вазъ дар марзи Тоҷикистону Қирғизистонро бо нигаронии хос дунбол кардем. "Тавре шумо медонед, чанде пештар раисҷумҳури Тоҷикистон ин ҷо сафар дошт. Мо бо ӯ ҳам ин мавзуъро баррасӣ кардем. Мо нияти ду ҷонибро барои ҳалли ҳамаи масъалаҳои баҳсталаби инчунинӣ дар ҷараёни гуфтушунид мусбат дарк кардем. Боварӣ дорам, ки ин гуна ҳадафро танҳо бо ин роҳ метавон ба даст овард",-гуфтааст Путин.
Путин гуфтааст, ки аҳ мо ҳар чизе, ки барои ҳалли ин мавзуъ муҳим бошад, мекунем.
Торнамои президенти Қирғизистон хабар медиҳад, ки Содир Ҷабборов ба Путин барои таваҷҷуҳ ва нигарониҳои марбут ба вазъи марзи Тоҷикистону Қирғизистон изҳори миннатдорӣ кардааст.
Путин ҳамчунин гуфтааст, ки барои ҳалли ин мушкил "бояд роҳи ҳалле пайдо шавад, ки барои дарозмуддат бошад ва посухгӯи манофеи ҳар ду кишвар низ бошад. Мо ҳам дар навбаи худ барои ин ёрӣ мекунем".
Даргирии ахири марзии Тоҷикистону Қирғизистон дар рӯзҳои 28 ва 29-уми апрели имсол ки 19 нафар кушта ва 87 нафар захмӣ аз Тоҷикистон ва ва 36 куштаву 154 маҷрӯҳ дар Қирғизистон барҷой гузошт, вокунишҳои байналмилалие ҳам дар пай дошт.
Дирӯз, сарвазири Қирғизистон Улуғбек Марипов дар саҳифаи расмияш дар Фейсбук навишт, ки Қирғизистон то ҳалли шудани мушкилот бо Тоҷикистон равуои марзӣ бо ин кишварро комилан қатъ мекунад. Ҷониби Тоҷикистон то кунун дар ин маврид вокунише накардааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Кулли ахбор
Авторизуйтесь, пожалуйста