Эмомалӣ Раҳмон ба унвони Сарфармондеҳи Олии Қувваҳои Мусаллаҳи Тоҷикистон, субҳи имрӯз ба маҳалли будубоши хидматчиёни низомии Неруҳои марзбонӣ ва омодагии ҷангии қисму воҳидҳои низомии ин сохтор, ба ноҳияҳои Панҷу Мир Сайид Алии Ҳамадонии вилояти Хатлон рафт.
Дафтари матбуоти президенти Тоҷикистон хабар медиҳад, ки Эмомалӣ Раҳмон бо ҳайати захираҳои сафарбарии минтақаи мудофиаи ҳудудии вилоят суҳбату вохӯриҳо анҷом додааст.
Ин сафари президенти Тоҷикистон дар шароите сурат мегирад, ки ноҳияҳои Панҷу Ҳамадонӣ ноҳияҳои ҳаммарз бо Афғонистон мебошанд, ки ҳоло ин манотиқи марзии Афғонистон дар ихтиёри гурӯҳи "Толибон". мебошанд. Толибон тақрибан, наздик ба 80 дар сади манотиқии марзӣ бо Тоҷикистонро дар Афғонистон тасарруф кардаанд. Аз ҷумла бештари влусволиҳои чор вилояти ҳаммарз бо Тоҷикистон - Кундуз, Тахор, Балх ва Бадахшон ба дасти "Толибон" мебошанд.
Эмомалӣ Раҳмон дар ҳузури сарбозону афсарон дар мавриди таҳдиду хатарҳои ҷаҳони муосир ва вазъи имрӯзаи сарҳади давлатӣ ва омодабошии ҷангии ҷузъу томҳо суханронӣ кардааст.
"Вобаста ба авзои кунунии давлати ҳамсояи Афғонистон Президенти мамлакат таъкид доштанд, ки ҳифзи сарҳади давлатии Тоҷикистон бо ин давлати ҳамҷавор на танҳо барои амнияти кишвари мо, балки дар таъмини бехатарии кишварҳои аъзои Иттиҳоди Давлатҳои Мустақил ва гузашта аз ин, Иттиҳоди Аврупо аҳаммияти махсус дорад".
Эмомалӣ Раҳмон дар суханронияш таъкид кардааст, ки "вазъи имрӯзаи минтақа ва ҷаҳон аз ҳар хизматчии ҳарбии Қувваҳои Мусаллаҳ ва махсусан афсарону сарбозони сарҳадбон ҳушёриву зиракии доимӣ, масъулияти баланд ва омодабошии ҳамешагӣ тақозо менамояд".
Сарфармондеҳи Олии Қувваҳои Мусаллаҳи Тоҷикистон бо итминон изҳор кардааст, ки ҳар як афсару сарбоз вазифаҳои бисёр мушкилу масъулиятноки ба зиммааш гузоштаи давлат ва халқи Тоҷикистонро минбаъд низ бо ҳисси баланди миллӣ, ҷасорату матонат ва далериву шуҷоат иҷро мекунанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
И
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста