Сарвазири Русия Михаил Мишустин ба Вазорати меҳнат супориш дод, ки дар ҳамдастӣ бо Вазорати корҳои хориҷии Русия бо Тоҷикистон гуфтушунид кунад ва дар бораи ҳамкорӣ дар соҳаи нафақа созишнома ба имзо расонад. Дар ин хусус дар санаде, ки рӯзи 27 июл дар портали иттилооти ҳуқуқӣ нашр шуд, хабар дода мешавад.
"Ба Вазорати меҳнати Русия супориш дода мешавад, ки бо иштироки ВКХ Русия бо Тоҷикистон гуфтушунидҳо анҷом диҳад ва зимни ба даст овардани созиш, аз номи Русия шартнома ба тасвиб расонад”, - гуфта мешавад дар санад.
Дар баробари ин, зикр мешавад, ки ба лоиҳаи созишномаи замимашаванда тағйироте ворид кардан мумкин аст, ки хусусияти усулӣ (принсипӣ) надоранд.
Дар лоиҳаи созишнома омадааст, ки ҳар кадоме аз тарафҳо пардохти нафақаро бар асоси собиқаи суғурта, ки ҳангоми кор дар қаламрави кишвар ба даст овардааст, таъин мекунад.
Рӯзи 23 июл Думаи Давлатии Русия тавзеҳ дод, ки пардохти нафақа ба муҳоҷирони меҳнатӣ, ки ба ватан бармегарданд, аз ҳисоби саҳмҳое, ки корфармо барои онҳо дар давраи корашон дар Русия пардохт намудааст, сурат мегиранд.
Қаблан роҳбари Агентии суғуртаи иҷтимоӣ ва нафақаи Тоҷикистон Дилмурод Давлатзода изҳор карда буд, ки Тоҷикистон ва Русия оид ба ҳамаи ҷанбаҳои лоиҳаи созишнома дар бораи ҳалли масъалаҳои нафақаи муҳоҷирони меҳнатӣ ба мувофиқа расиданд.
Ба гуфтаи номбурда, тамоми паҳлӯҳои баҳсбарангези лоиҳаи созишномаи байни кишварҳо дар соҳаи таъминот бо нафақа ҳангоми видеоконфронсҳои корӣ ҳаллу фасл шуданд.
"Лоиҳа дар мувофиқа бо ВКХ ба баррасии ҳукумат пешниҳод шудааст. Созишнома андозаи нафақаеро, ки шаҳрвандони тоҷики дар Русия қарордошта мегиранд, ба танзим медарорад", - гуфт Давлатзода.
Ба гуфтаи вай, ҳоло дар масъалаи ҳамкорӣ дар соҳаи таъминоти нафақа ва суғуртаи иҷтимоӣ Тоҷикистон бо Қирғизистон ва Ӯзбекистон низ гуфтушунид дорад, ки бо онҳо аллакай созишнома ба имзо расидааст.
Ҳамзамон Давлатзода саҳеҳтар шарҳ дод, ки ба шаҳрвандони тоҷики машғули кор дар кишварҳое, ки Тоҷикистон бо онҳо дар бораи масоили нафақа созишнома надорад, минбаъд бинобар сабаби набудани собиқаи кории сабтшуда нафақаи иҷтимоӣ таъин мешавад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Чӣ гуна метавон шаҳодатномаи ронандагии Тоҷикистонро ба шаҳодатномаи ронандагии Русия иваз кард?
“Иқдоми носанҷида”. Хадамоти алоқа аз ширкатҳои мобилӣ хост, нархи тарофаҳоро дубора боло набаранд
Visa дар бораи рушди технологияҳои рақамии пардохтӣ дар Тоҷикистон нақл кард
Байни Тоҷикистон ва Британияи Кабир созишнома дар бораи алоқаи ҳавоӣ имзо шуд
То охири сол дар Тоҷикистон пас аз таъмиру навсозӣ 5 роҳи мошингард ба истифода дода мешаванд
Эмомалӣ Раҳмон бо аввалин сафари расмӣ ба Италия ва Ватикан рафт
Кулли ахбор
Авторизуйтесь, пожалуйста