Президенти Тоҷикистон Эмомалӣ Раҳмон имрӯз, 6 август дар вохӯрии навбатии машваратии сарони давлатҳои Осиёи Марказӣ, ки дар минтақаи миллии сайёҳии “Аваз” дар Туркманистон доир мегардад, иштирок мекунад.
Барои иштирок дар вохӯрӣ президенти Қазоқистон Қосим-Жомарт Токаев, президенти Қирғизистон - Садир Жапаров ва президенти Ӯзбекистон - Шавкат Мирзиёев низ ба ин ҷо ташриф оварданд.
Сарони кишварҳо масоили рушди босуботу устувори минтақа, густариши ҳамкориҳои тиҷоративу иқтисодӣ ва ҳамоҳангсозии талошҳоро баҳри муовмимат бо пандемия мавриди баррасӣ қарор медиҳанд.
“Дар робита ба шиддат гирифтани вазъ дар Афғонистон, ба масъалаи ҳамкориҳо дар соҳаи таъмини амният таваҷҷуҳи хос зоҳир хоҳад шуд”, - хабар дод ба “Азия-Плюс” як манбаъ аз ҳукумат.
Аз рӯйи натиҷаҳои нишаст Изҳороти муштараки сарони давлатҳо қабул мешавад. Дар назар аст, ки президенти Тоҷикистон ҳамчунин бо сарони кишварҳои минтақа гуфтушунидҳои дуҷониба баргузор намояд.
Ёдрас мекунем, ки имрӯз дар минтақаи миллии сайёҳии “Аваз” дар Туркманистон боз панҷ чорабинии бузурги байнулмилалӣ дар чаҳорчӯби кишварҳои минтақаи Осиёи Марказӣ баргузор мешавад.
Муколамаи занон-пешвоёни кишварҳои минтақа, Форуми иқтисодӣ, Намоишгоҳи байнулмилалӣ ва Намоишгоҳи таъомҳои анъанавӣ, инчунин Консерти идонаи устодони ҳунару санъати кишварҳои минтақа аз ҷумлаи чунин чорабиниҳо мебошанд.
Нишасти Ашқобод сеюмини вохӯрии сарони давлатҳои минтақаи Осиёи Марказӣ мебошад. Нишасти аввал соли 2018 дар Нур-Султон ва вохӯрии дуюм - соли 2019 дар Тошканд баргузор шуда буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Кулли ахбор
Авторизуйтесь, пожалуйста