Дар 30 соли ҳамкорӣ Амрико дар бахшҳои мухталиф, аз ҷумла иқтисод, амнияти озуқаворӣ, тандурустӣ, таъминоти оби тоза, маориф, амният, дастрасӣ ба нерӯи барқ ба Тоҷикистон 1,8 млрд доллари америкоӣ кӯмак намудааст. Дар ин бора сафорати ИМА дар Тоҷикистон хабар медиҳад.
“Ин барномаҳо барои раҳоии хонаводаҳо аз камбизоатӣ, коҳиши камғизоӣ, афзоиши саводнокӣ, эҷоди ҷойҳои нави корӣ, наҷот додани ҳаёти мардум ва ҳифзи Тоҷикистон аз таҳдидҳои амниятӣ кумак кардаанд”, - менависад сафорат.
Манбаъ мегӯяд, 23 декабр аз барқароршавии муносибатҳои дипломатӣ байни ду давлат 30 сол пур мешавад ва ба ин муносибат сафорат тасмим гирифтааст, ки чорабиниҳои мухталиф баргузор намояд.
Баргузории чунин чорабиниҳо дар назар аст:
Аз ҷумла, имрӯз 24 декабр соати 17: 00 дар Маркази амрикоӣ (дар бинои маркази савдои “Пойтахт”) намоиши суратҳои аксбардорони ҳаваскори тоҷик ифтитоҳ мегардад, ки даромад озод мебошад.
Ҳамин тариқ, аз 11 то 14-уми январ бахшида ба 30-солагии муносибатҳои ИМА ва Тоҷикистон нишасти матбуотӣ, нашри китоб оид ба таърихи муносибатҳои ИМА ва Тоҷикистон, нашри аксҳо дар бораи равобити Тоҷикистону Амрико, ифтитоҳи намоишгоҳи аксҳо бахшида ба муносибатҳои ИМА ва Тоҷикистон, нахустнамоиши филми мустанад дар бораи муносибатҳои ИМА ва Тоҷикистон ва кушодашавии озмуни сурудҳои тоҷикию амрикоӣ баргузор мешавад.
Ҳамчунин, аз 17 то 23-уми январ сафари гурӯҳи мусиқанавозони «The Fremonts» аз шаҳри Боулдери аёлати Колорадо ба Тоҷикистон дар назар аст
Сафорат мегӯяд, аз 7 то 12-уми феврал дар доираи сафари гурӯҳи мусиқанавозони марказии нерӯҳои ҳавоии ИМА (AFCENT) ба Тоҷикистон барои тоҷикистониён барномаи консертӣ пешкаш мешавад. Ҳамчунин, дар ин моҳ (аз 14 то 19-уми феврал) фестивали намоиши филмҳои тоҷикию амрикоӣ баргузор мешавад.
- Рӯзи 12-уми март дар Тоҷикистон рӯзи инноватсияҳо дар Маркази амрикоии шаҳри Душанбе ва нашри 1000 адад китоби комикс бахшида ба дӯстии ИМА ва Тоҷикистон дар назар аст,- мегӯяд сафорати ИМА дар Тоҷикистон.
Ҳамин тариқ, моҳҳои март – апрел сафари мусиқанавозони тоҷику амрико дар доираи “Battle of the Bands”дар назар аст ва моҳи май дар Душанбе Фестивали минтақавии “Go Vira” баргузор мешавад.
Ёдовар мешавем, ки 25 декабри соли 1991 Иёлоти Муттаҳидаи Амрико истиқлолияти Ҷумҳурии Тоҷикистонро ба расмият шинохт ва 16 марти соли 1992 бори аввал сафорати ИМА дар Душанбе расман ифтитоҳ ёфт.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста