Вазорати корҳои хориҷии Тоҷикистон ба шаҳрвандони ҷумҳурӣ, ки дар қаламрави Укроин қарор доранд, муроҷиат намуда, аз онҳо даъват кард, ки дастурҳои ҷоригардидаи ситодҳои фавриро риоя намоянд ва ботаҳаммул бошанду то ҳадди имкон манзилашонро тарк накунанд.
"Бинобар аз ҷониби мақомоти Укроин аз 24 феврали соли 2022 ҷорӣ шудани ҳолати ҳарбӣ дар тамоми ҳудуди кишвар, Вазорати корҳои хориҷӣ аз шаҳрвандони Ҷумҳурии Тоҷикистон, ки дар қаламрави Укроин қарор доранд, хоҳиш менамояд, ки дастуру ҳидоятҳои ҷоригардидаи ситодҳои фавриро қатъиян риоя намоянд, ботаҳаммул бошанд ва то ҳадди имкон манзилашонро тарк накунанд”, - гуфта мешавад дар сомонаи ин ниҳод.
Зикр мегардад, ки дар сурати пайдо шудани мушкилот дар қаламрави Укроин шаҳрвандони мо метавонанд ба Сафорати Ҷумҳурии Тоҷикистон дар Укроин аз рӯи хатти алоқаи доимии рақами +380933361040 муроҷиат кунанд.
Дар ВКХ Тоҷикистон ба “Азия-Плюс” хабар доданд, ки шумори шаҳрвандони Тоҷикистон дар ин кишвар ва дар кадом шаҳрҳо қарор доштани онҳоро дақиқ мекунанд.
“Азия-Плюс” бо сафири Тоҷикистон дар Укроин Давлат Назрӣ дар тамос шуд, то ки дар бораи тақдири минбаъдаи шаҳрвандони Тоҷикистон, ки дар Киев ва дигар шаҳрҳои ин кишвар зиндагӣ мекунанд, маълумот дастрас кунад. Аммо ӯ ваъда дод, ки каме дертар дар бораи шаҳрвандони мо ва вазъи онҳо айни замон дар Укроин ҳамаи маълумотро пешниҳод мекунад.
Президенти Русия Владимир Путин субҳи рӯзи панҷшанбе дар муроҷиат ба шаҳрвандони кишвараш эълон кард, ки дар бораи баргузории амалиёти махсуси низомӣ дар Донбасс тасмим гирифтааст.
Дар ҳамин ҳол, қаблан Вазорати мудофиаи Русия изҳор дошт, ки ба шаҳрҳои Укроин зарба намезанад ва ба аҳолӣ чизе таҳдид намекунад.
Президенти Украина Владимир Зеленский дар саросари кишвар ҳолати ҳарбӣ эълон кард. ВКД Украина аз шаҳрвандон даъват намуд, ки манзилашонро тарк накунанд. Дар ҳарими ҳавоии Укрроин парвози ҳавопаймоҳои мусофирбар маҳдуд карда шуд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста