Раисҷумҳури Тоҷикистон Эмомалӣ Раҳмон президенти тозаинтихоби Туркманистон Сардор Бердимуҳамадов, писари раисҷумҳури Туркманистон Қурбонқулӣ Бердимуҳаммадовро, ки бо касби 72,9 дарсади оро пирӯзи интихоботи рӯзи 12-уми марти ин кишвар эълон шуд, табрик намудааст.
Дар ин бора Хадамоти матбуотии президенти Тоҷикистон хабар медиҳад.
Дар барқияи табрикотии Эмомалӣ Раҳмон гуфта мешавад, ки “натиҷаҳои интихобот нуфузу эътибори баланди сиёсии Шумо, ҳамчунин ҷонибдории ҷомеаро аз сиёсате, ки дар кишваратон ба манзури рушди ҳамаҷонибаи иҷтимоиву иқтисодӣ ва таҳкими мавқеи байналмилалии он татбиқ мегардад, пурра таъйид намуданд”.
Раисҷумҳури Тоҷикистон омодагии худро ҷиҳати пешбурди минбаъдаи муносибатҳои байнидавлатӣ ба нафъи мардумони ду кишвар ва дар рӯҳияи ҳамдигарфаҳмӣ, эҳтироми якдигар ва эътимод таъкид намудааст.
- Мо ба муносибатҳои дӯстӣ ва ҳамкории барои ҷонибҳо судманди Тоҷикистон ва Туркманистон, ки бар усули шарикии стратегӣ асос ёфтаанд, аҳаммияти хосса медиҳем, - гуфтааст Эмомалӣ Раҳмон.
Раисҷумҳури Тоҷикистон дар идома ба фаъолияти Сардор Бердимуҳаммадов комёбиҳо ва ба мардуми Туркманистон сулҳу пешрафт ва шукуфоии доманадорро орзу намудааст.
Ёдовар мешавем, ки имрӯз, 15 март мақомоти Туркманистон эълон карданд, ки дар интихоботи президентии пеш аз муҳлати ин кишвар Сардор Бердимуҳаммадов бо касби 72,97% дарсади орои мардум роҳбари нави ин кишвар шуд.
Интихоботи президентии ин кишвар рӯзи 12 марти соли равон баргузор шуд. Комиссияи марказии интихоботи Туркманистон Сардор Бердимуҳаммадови 40-соларо пирӯзи интихоботи президентии пеш аз муҳлати ин кишвар эълон кард.
Ҳашт рақиби дигари Сардор дар ин рақобати интихоботӣ, ҳамагӣ аз 1 то 11 дарсади райъи мардуми Туркманистонро ба даст овардаанду халос.
Акнун Сардор Бердимуҳаммадов дар фазои кишварҳои пасошӯравӣ, пас аз Илмҳом Алиев, раисҷумҳури Озорбойҷон дувумин нафарест, ки қудрати сиёсиро аз падараш ба мерос мебарад, ҳарчанд талошҳои ин гуна интиқоли қудрат дар кишварҳои дигари пасошӯравӣ вуҷуд дошт.
Дар бораи баргузории интихоботи пеш аз мӯҳлати президентӣ дар Туркманистон рӯзи 11-уми феврали имсол дар ҷаласаи порлумони ин кишвар хабар доданд. Дар шарҳи расмӣ гуфта шуд, ки президенти 64-сола роҳро ба “ҷавонон боз мекунад”. Аксарият ин изҳоротро чун ҳамвор кардани роҳ ба писари президент, Сардор Бердимуҳаммадов, қабул карда буданд, ки акнун воқеият шуд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста