Субҳи имрӯз президенти Тоҷикистон Эмомалӣ Раҳмон ҷиҳати иштирок дар Вохӯрии машваратии сарони давлатҳои Осиёи Марказӣ ба Қирғизистон рафт.

Тавре ки хадамоти матбуоти сарвари давлат хабар медиҳад, дар ин сафар Эмомалӣ Раҳмонро вазирони корҳои хориҷӣ, нақлиёт ва дигар шахсони расмӣ ҳамроҳӣ мекунанд.

Имрӯз дар шаҳри Чолпон-Отаи вилояти Иссиқкӯли Қирғизистон нишасти чаҳоруми машваратии сарони кишварҳои Осиёи Марказӣ ба кори худ оғоз мекунад.

Зимнан, дафтари матбуотии президенти Қирғизистон хабар медиҳад, ки “роҳбарони кишварҳо оид ба таҳкими ҳамкории кишварҳои Осиёи Марказӣ дар рӯбарӯи чолишҳо ва таҳдидҳои амнияти минтақавӣ табодули афкор намуда, дурнамои густариши ҳамкорӣ ба хотири таъмини рушди устувори иқтисодии кишварҳои минтақаро баррасӣ мекунанд”.

Гуфта мешавад, инчунин, масъалаҳои таҳкими минбаъдаи ҳамкориҳои фарҳангию гуманитарии давлатҳои Осиёи Марказӣ мавриди баррасӣ қарор хоҳад гирифт.

Дар ҳамин ҳол, сарони кишварҳои Ӯзбекистон Шавкат Мирзиёев ва Қазоқистон - Қосим-Ҷомарт Тоқаев чанде пештар ба Қирғизистон ташриф оварда буданд.

1/3

Раҳбарони се кишвар дар фазои ғайрирасмӣ сӯҳбат карда, бо қаиқ (теплоход) дар Иссиқкӯл сайругашт карданд.

Дар Telegram, Facebook, Instagram, OK ва ВК бо мо бимонед.