Хайриддин Усмонзода, мудири Маркази тадқиқоти стратегии Тоҷикистон ба таври оммавӣ шаҳрвандии Русияро қабул кардани зодагони Тоҷикистонро гувоҳи риояи принсипи озодӣ ва ҳуқуқи шаҳрвандон дар кишвар арзёбӣ кард ва гуфт, ин тамоюл барои ояндаи Тоҷикистон хатар надорад.
Ӯ, ки имрӯз, 28 июл дар нишасти матбуотӣ дар ҳузури рӯзноманигорон сӯҳбат мекард, гуфт, дар баробари зодагони Тоҷикистон шаҳрвандони Русия низ шаҳрвандии Тоҷикистонро гирифта истодаанд.
Усмонзода гуфт, қабули шаҳрвандии Русия аз сӯи зодагони Тоҷикистон наметавонад, ки ба рушди соҳаҳои иқтисодиву иҷтимоии кишвар монеа шавад.
Ин дар ҳолест, ки дар кишвар норасоии кадрҳо дар соҳаи маориф 3400 омӯзгор ва дар соҳаи тандурустӣ 2960 табиб ва 1340 нафар ҳамшираи шафқатро ташкил медиҳад. Роҳбарияти вазоратҳои маориф ва тандурустӣ мегӯянд, сабаби норасоии кадрӣ ба муҳоҷирати меҳнатӣ рафтани кадрҳо аст.
- Қабули шаҳрвандии Русия аз ҷониби зодагони Тоҷикистон пеш аз ҳама дар асоси созишномаи дуҷониба сурат мегирад. Ин гувоҳи он аст, ки Тоҷикистон принсипи озодӣ ва ҳуқуқи шаҳрвандон риоя мешавад. Дар ҳолате, ки кишварҳои мо созишномаи шарикии байналмилалӣ доранд, ин ҳолатҳо наметавонад,ки оқибати ногуворро ба бор орад, - гуфт Усмонзода.
Ёдовар мешавем, тибқи маълумоти расмии Федератсияи Русия, дар шаш моҳи охир 74 ҳазору 162 нафар шаҳрвандони Тоҷикистон шаҳрвандии Федератсияи Русияро қабул кардаанд, ки ин дар як рӯз 410 нафарро ташкил медиҳад.
Раиси МТС дар бораи шумораи зодагони Русия, ки шаҳрвандии Тоҷикистонро гирифтаанд, иттилоъ надод.
Вале дар ҳамин ҳол, бояд гуфт, ки дар асл гирифтани шаҳрвандии Тоҷикистон хеле мушкил аст. «Азия-Плюс» дар солҳои охир чанд матлаб навиштааст, ки шаҳрвандони хориҷии муқими Тоҷикистон, ки солҳои зиёд дар ин ҷо кору фаъолият доранд ва алакай бо шаҳрвандони Ҷумҳурии Тоҷикистон фарзанди муштарак доранд, натавонистаанд шаҳрвандии умдаи Тоҷикистонро гиранд.
Хориҷиёне, ки дар Тоҷикистон ҳастанду мехоҳанд, шаҳрвандии ин кишварро гиранд, танҳо баъди навиштани ариза ба номи расиҷумҳури Тоҷикистон, панҷ сол зиндагӣ дар дохили ин кишвар баъди гирифтани иҷозати иқомат, донистани забони давлатӣ дар сатҳи муошират, набудан дар пайгарди ҷиноӣ ва пешниҳоди 7 ҳуҷҷат метавонанд шаҳрвандӣ гиранд.
Бояд гуфт, ки миёни Тоҷикистону Русия созишнома дар бораи душаҳрвандӣ вуҷуд дорад.
Дар ин инҷо мақолаи моро дар бораи чӣ гуна шаҳрвандони Русия метавонанд бо тартиби содда шаҳрвандии Тоҷикистонро ба даст оранд, мутолиа намоед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста