Иёлоти Муттаҳидаи Амрико ният дорад, ки ба густариши ҳамкориҳо бо Тоҷикистон дар бахши амният ва пешбурди озодиҳои бунёдӣ тақвият бахшад. Дар ин бора дар изҳороти табрикии котиби давлатии ИМА Энтони Блинкен ба муносибати 31-юмин солгарди Истиқлоли Тоҷикистон изҳори назар шудааст.
Бино ба иттилои сомонаи намояндагии дипломатии ИМА, дар изҳорот зикр мешавад, ки Иёлоти Муттаҳида ва Тоҷикистон як шарики қавии мубтанӣ бар ҳадафҳои муштарак, робитаҳои мухталифи фарҳангӣ ва мардумӣ, уҳдадориҳои мубориза бо таҳдидоти террористӣ на танҳо дар Тоҷикистон, балки дар тамоми минтақа ва саросари ҷаҳон бунёд кардаанд.
“Мо ба тақвияти ҳамкориҳо дар бахши амният ва пешбурди озодиҳои бунёдӣ умедвор ҳастем, зеро ин асоси ҷомеаи босабот ва шукуфон аст”, - омадааст дар изҳороти Энтони Блинкен.
Котиби давлатии ИМА изҳори итминон кардааст, ки робитаҳои минтақаии мо дар чорчуби C5 + 1 танҳо бо мушорикат дар талошҳо барои муқобила бо тағйироти иқлимӣ, расидагӣ ба масъалаҳои ҳуқуқи башар ва шиносоии имкониятҳои тиҷоративу сармоягузорӣ тақвият хоҳад ёфт.
“Сарфи назар аз он ки ҳар ду кишвари мо дар соли гузашта ба далели тағироти ҷаҳонӣ бо мушкилот рӯбарӯ шуданд, Иёлоти Муттаҳида ҳамчунон ба суботу шукуфоии Тоҷикистон содиқ аст”, - илова шудааст дар фарҷоми изҳорот.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста