Душанбе. 9-уми август. ОИ «Азия-Плюс» - Нимаи   дуюми   рӯзи 8 август Президенти   Ҷумҳурии   Тоҷикистон Эмомалӣ Раҳмон бо   Ноиби Президенти   ширкати   Хуавей   Ванг Кесианг дидор   ва   гуфтугӯ   кард.

Дар   мулоқот   атрофи    масъалаҳои   ҳамкорӣ,   лоиҳаҳои   инвеститсионии   Ҷумҳурии   Тоҷикистон   ва   имкониятҳои   мусоиди   сармоягузорӣ   ба   иқтисодиёти   миллии   Тоҷикистон   табодули   афкори   судманд ҷараён   гирифт.

Президенти Тоҷикистон изҳор    дошт, ки   алҳол   дар   Ҷумҳурии Тоҷикистон   беш аз   50   лоиҳа дар    соҳаи    нақлиёт,   энергетика,   маорифу   тандурустӣ, кишоварзӣ   ва   саноат бо   ширкатҳои   маъруфи   Канада,    Фаронса, ИМА,   Россия, Олмон, Британияи   Кабир,   Эрон   ва   Чин   амалӣ   мешаванд, ки   маблағи умумии   онҳо   қариб   2   миллиард   доллари   ИМА – ро   дар   бар   мегирад.

Президенти   Ширкати Хуавей   ба   сарвари   давлати   Тоҷикистон   барои   даъват    ба   ҳамкорӣ   сипосгузорӣ   намуда,    таъкид   кард, ки    омодааст   бо   мутахассисони тоҷик    дар бахшҳои маориф, тандурустӣ, алоқа, нақлиёт ва энергетика ҳамкориҳои   пурсамар   дошта   бошад.

Сӯҳбати Эмомалӣ Раҳмон бо президенти   ширкати «Сипохайдро»-и    Чин Фан Ҷисианг    хеле   пурмӯҳтавою   самимӣ   ҷараён    гирифт.

Дар   вохӯрӣ аз    корҳои   анҷомдодаи   ширкат    дар   мавриди   бунёди   роҳҳои   ҷавобгӯи   талаботи байналмилалӣ   дар   Ҷумҳурии   Тоҷикистон   ҷонибҳо қаноатмандӣ   карданд.

«Бунёди   роҳ,   ки заминаи   асосии   рушди   иқтисодиёт   аст,   аз   самтҳои   асосии   сиёсати   имрӯзаи   Ҳукумати   Ҷумҳурии   Тоҷикистон   ба   шумор   меравад», - таъкид    кард сарвари   давлати   Тоҷикистон   ва   илова   намуд, ки   ҳадафи   мо аз   сарбастагии   коммуникатсионӣ   бадарсозии   кишвар   аст.

«Мо барои   ҳамкорӣ   ба   Тоҷикистон ҳавасмандем ва   оянда   низ    дар   татбиқи    лоиҳаҳои    инвеститсионӣ махсусан бунёди НБО талош   хоҳем   кард»,   иброз    дошт дар навбати худ президенти ширкати   Синахайдро.

Ҷонибҳо   дар   мавриди   омӯзишу баррасӣ ва таҳияи лоиҳаи бунёди НБО «Нуробод-2» ва рушди   ҳамкориҳои   минтақавӣ   ҳамфикрӣ   баён    доштанд.

Дар   мулоқоти президенти Тоҷикистон бо   президенти   ширкати   Зитсин   Чен Ҷингхе ҳам   асосан   масъалаҳои   ҳамкорӣ    дар   татбиқи    лоиҳаҳои   инвеститсионии   Ҷумҳурии Тоҷикистон   махсусан   сохтмони заводҳои истеҳсоли ангишту семент ва НБО баррасӣ    шуданд.

«Мақсади мо   на танҳо   рушди   иқтисодиёти   худӣ,   балки   инкишофи   ҳамкориҳои   минтақавии   фарогири   манфиатҳои   кулли   кишварҳои   ҳамсоя    мебошад», - изҳор    дошт Эмомалӣ Раҳмон.

Президенти   ширкати   Зитсин   ба мавқеи   Ҳукумати   Ҷумҳурии   Тоҷикистон   дар   мавриди   саҳмгузорӣ   дар   инкишофи   робитаҳои   минтақавӣ   ва   осоишу   амният   баҳои   баланд   дода,   изҳори   омодагии   амиқи   ҳамкорӣ   бо   ширкатҳои   Тоҷикистон   кард.

Масоили татбиқи лоиҳаҳои сохтмони хатҳои баландшиддати интиқоли нерӯи барқ дар Тоҷикистон ва минтақаҳои Осиёи Марказӣ ва Ҷанубӣ бо президенти шӯрои директорони ширкати «ТВЕА» Чжан Син баррасӣ шуд.

Хотиррасон бояд кард, ки хатти 220 киловолтаи «Лолазор-Хатлон» аз ҷониби ҳамин ширкат ду сол қабл аз мӯҳлат ва бо сифати баланд сохта, ба истифода дода шуд.

Ҷонибҳо дар мулоқот оидба бунёди   НБО «Хингоб» ба мувофиқа расиданд.

Президенти ширкати «ТВЕА»   изҳор дошт, ки   пас аз итмоми сохтмони лоиҳаи инвеститсионии хати баландшиддати интиқоли нерӯи барқи «Ҷануб-Шимол» ба бунёди   НБО «Нуробод-2» шурӯъ хоҳанд кард.

Худи ҳамин рӯз ҳамчунин президенти Тоҷикистон президенти яке аз ширкатҳои бунуфузи Чин президенти ширкати «Зи Экс Ҷой Инвест» Горден Янро бо хоҳиши ӯ ба ҳузур пазируфт.

Горден Ян аз фазои мусоиди сармоягузорӣ дар Тоҷикистон ёдовар шуда изҳор дошт, ки ширкаташ омода аст барои корҳои ҷустӯҷуи ва омӯзиши уран дар Тоҷикистон   ҳамкорӣ намояд. Дар ин бора аз дафтари матбуоти сарвари давлат хабар доданд.