Душанбе. 7-уми октябр - Дирӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Сайдулло Хайруллоев ҷаласаи навбатии Шӯрои Маҷлиси намояндагон баргузор гардид. Дар он Протоколи Аҳдномаи мамлакатҳои аъзои Созмони Милали Муттаҳид бахшида ба тағйирёбии иқлим, ки 11- декабри соли 1997 дар Киото қабул шудааст, қарор дар бораи маблағгузорӣ барои иҷрои нақшаи чорабиниҳои татбиқи барномаи рушди асосҳои иҷтимоиву тиббии беҳтар сохтани шароити зиндагӣ ва барқарор намудани қобилияти кории ветеранҳои ҷанг, иштирокчиёни муноқишаҳои маҳдуд, амалиёти сулҳҷӯёна ва осебдидагони амалиёти террористӣ дар давлатҳои Иттиҳоди Давлатҳои Мустақил дар давоми солҳои 2006-2010, протоколи ворид намудани тағироту иловаҳо ба Созишномаи эътирофи мутақобилаи ҳуқуқи рафту омади имтиёзноки маъюбон ва иштирокчиёни Ҷанги Бузурги Ватанӣ, инчунин шахсони ҳуқуқашон ба онҳо баробаркардашуда аз 12 марти соли 1993, масъалаи ҳамроҳ шудани Ҷумҳурии Тоҷикистон ба Аҳдномаи Созмони байналмилалии моликияти зеҳнӣ оид ба ҳуқукӣ муаллиф лоиҳаи Қонуни Ҷумҳурии Тоҷикистон «Дар бораи буҷети давлатии Ҷумҳурии Тоҷикистон барои соли 2009» ва нишондиҳандаҳои «Барномаи миёнамӯҳлати буҷети давлатии Ҷумҳурии Тоҷикистон барои солҳои 2010-2011» баррасӣ шуданд.
Раисони кумитаҳои Маҷлиси намояндагон Маҳбуба Нуриддинова ва Додихудо Саймуддинов роҷеъ ба моҳияти ин ҳуҷҷатҳои муҳим ибрози ақида карданд. Баъзе ҳуҷҷатҳои баррасишуда ба иҷлосияи панҷуми Маҷлиси намояндагон ва баъзе ҳуҷҷатҳо барои такмилу таҷдид ва хулосабарорӣ ба шӯъбаи ҳуқуқи Дастгоҳи Маҷлиси намояндагон фиристода шуданд. Дар ин бора АМИТ «Ховар» хабар медиҳад.
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Кулли ахбор
Авторизуйтесь, пожалуйста