Душанбе. 26-уми ноябр. ОИ «Азия-Плюс» - Президенти Ҷумҳурии Тоҷикистон Эмомалӣ Раҳмон Директори минтақавии Бонки умумиҷаҳонӣ оид ба кишварҳои Осиёи Марказӣ Аннет Диксонро бинобар анҷоми ваколаташ дар ин вазифа ба ҳузур пазируфт. А.Диксон пас аз ду ҳафта ба ҳайси мудири минтақавии Бонки ҷаҳонӣ оид ба кишварҳои Осиёи Ҷанубу Шарқӣ ифои вазифа хоҳад намуд.
Пас аз мулоқот бо сарвари давлат А.Диксон изҳор дошт, ки дар мулоқот ба масъалаи таъсири бӯҳрони молиявии ҷаҳонӣ ва оқибатҳои он ба Тоҷикистон таваҷҷӯҳи хос зоҳир карда шуд. «Ҳарчанд Тоҷикистону дигар кишварҳои дар ҳоли рушд қарордошта аз сарчашмаи бӯҳрон дур бошанд ҳам, онҳо таъсири бӯҳронро эҳсос хоҳанд кард», - гуфт ӯ.
А.Диксон бар ин назар аст, ки дар Тоҷикистон бояд ҷараёни ислоҳоти иқтисодӣ тезонида шавад, то иқтисоди кишвар пас аз бӯҳрон ба нишондиҳандаҳои аввала ва сипас афзоиши он ноил гардад. «Мо ҳамчунин масъалаи кӯмаки кишварҳои мададрасон ба Тоҷикистон, анҷоми стратегияи паст кардани сатҳи камбизоатӣ дар аввали соли оянда ва ҷараёни амалисозии лоиҳаҳои мавҷударо низ мавриди баррасӣ қарор додем», - гуфт ӯ.
Дар мавриди арзёбии дурнамои муносиботи Тоҷикистон бо Бонки ҷаҳонӣ ва дигар сохторҳои молиявии ҷаҳонӣ А.Диксон изҳор дошт, ки феълан ин муносибот «хеле хуб» ба роҳ монда шудааст. Барои тасдиқи гуфтаҳои худ ӯ зикр кард, ки ҳамаи маблағҳои ҷудошуда дар Тоҷикистон муваффақона азхуд карда мешаванд.
«
Бонки ҷаҳонӣ метавонад ҳамкории худро бо Тоҷикистон тавсиа дода, ҳаҷми маблағгузориҳоро барои дастгирии рушди иқтисодӣ ва бартарафсозии таъсири бӯҳрони ҷаҳонии молиявӣ афзун намояд», - илова кард А.Диксон.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста