Палатаи поёнии парлумон имрӯз аз тағйироту иловаҳо ба чанде аз моддаҳои Кодекси ҷиноӣ ҷонибдорӣ намуд, ки мувофиқи он минбаъд порагирону порадеҳон ҷарима нашуда, балки бо қарори суд ба зиндон маҳкум мешаванд.
Зимни суханронӣ назди вакилон дар ин робита муовини роҳбари Агентии зиддифасод Тоҳир Нурзода изҳор намуд, ки аз ин ба баъд шахсоне, ки вобаста ба ҷиноятҳои коррупсионӣ маҳкум мешаванд, дигар ба ивази пардохти ҷарима озод шуда наметавонанд.
Тибқи тағйироту иловаҳои воридшуда ба Кодекси ҷиноӣ аз соли 2016, шахсоне, ки барои порагириву порадиҳӣ ба ҷавобгарии ҷиноӣ кашида мешуданд, ба ивази ҷарима озод шуда метавонистанд. Барои як рӯзи ҷазо 200 сомонӣ пардохт кардан зарур буд.
Имрӯз вакилони мардумӣ бо дархости ҳукумат ин тағйироту иловаҳои қабулшударо бекор карданд.
Тоҳир Нурзода қайд кард, ки тағйироту иловаҳои соли 2016 қабулшуда ба коҳиши ҷиноятҳои коррупсионӣ мусоидат накарда, баръакс солҳои охир порагириву порадиҳӣ дар Тоҷикистон тамоили афзоиш дорад.
Айни замон мутобиқи меъёрҳои моддаи 319 Кодекси ҷиноии ҶТ барои ҷиноятҳои марбут ба порагирӣ ҷазои аз 5 то 12 соли зиндон ва дар баъзе ҳолатҳо бо мусодираи амвол пешбинӣ шудааст.
Дар моддаи 320 Кодекси ҷиноятии Тоҷикистон барои порадиҳӣ аз 5 то 10 соли зиндон бо мусодираи амвол ҷазо муқаррар шудааст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста