Палатаи поёнии парлумони Тоҷикистон имрӯз созишномаи сармоягузории моҳи январ баимзорасидаро байни ҳукумати ҷумҳурӣ ва корхонаи “Фабрикаи қаннодии Амирӣ” дар бораи таҷдиду тавсеъаи иқтидорҳои амалкунанда, ҳамчунин сохтмон ва ба истифода додани корхонаҳои нав тасдиқ намуд.
Мувофиқи санади баимзорасида, корхонаҳои нав маснӯоти қаннодӣ, оҳар (нишоста, крахмал), шираи оҳар ва маҳсулот ордӣ истеҳсол хоҳанд кард.
Барои амалисозии созишнома корхона ният дорад, ки беш аз 23 млн. доллар маблағ ҷудо кунад, изҳор дошт директори генералии ҶДММ “Амирӣ” Акмал Ҳомидов.
Бар асоси созишномаи имзошуда, корхонаи амалкунандаи истеҳсоли маснӯоти қаннодӣ ва корхонаҳои наве, ки сохта мешаванд, ба муддати 10 сол аз пардохти андозу боҷҳои зерин озод карда мешаванд: андоз аз фоида, андоз аз арзиши иловашуда (ААИ) ва боҷҳои гумрукӣ зимни воридоти таҷҳизот, молу маҳсулот ва ашёи хом барои коркард.
Таҷдид ва тақвияти иқтидорҳои амалкунандаи корхонаи “Амирӣ” ва мавриди баҳрабардорӣ қарор додани корхонаҳои нав дар назди он муддати 8 сол амалӣ мешаванд. Аз ҷумла ҷудо кардани 6,5 млн. доллар барои сохтмони корхонаҳо ва 16,5 млн. доллар барои бо таҷҳизоти техникӣ таъмин кардани онҳо пешбинӣ шудааст.
Бино ба гуфтаи раиси Кумитаи давлатии сармоягузорӣ ва идораи амволи давлатии ҷумҳурӣ Фаррух Ҳамрализода, пас аз мавриди истифода қарор гирифтани корхонаҳои нав, ширкат ҳамасола на камтар аз 27 ҳазор тонна маснӯоти қаннодӣ, 8 ҳазор тонна оҳар ва шираи оҳар, 12,6 ҳазор тонна маҳсулоти ордӣ истеҳсол мекунад.
Ҳамрализода қайд кард, ки айни замон ҳамасола ба маблағи 60 млн. доллар аз хориҷи кишвар ба Тоҷикистон маснӯоти қаннодӣ ворид шуда, оҳар (крахмал) бошад, умуман дар кишвар истеҳсол намешавад.
Зимни суханронӣ доир ба ин масъала вакили парлумон Дилрабо Мансурӣ изҳор дошт, ки дар лоиҳаи мазкур бори нахуст дар Тоҷикистон тиҷорати хусусӣ ба бунёди иншоооти саноатӣ ҳамроҳ мешавад.
Корхонаи “Фабрикаи қаннодии Амирӣ” дар ҷамоати Россияи ноҳияи Рӯдакӣ, қитъаи Қӯштеппа воқеъ аст. Маросими расмии ифтитоҳи он 5 сентябри соли 2011 доир гардид. Дар корхона навъҳои гуногуни шоколаду конфет ва беш аз 20 намуди карамел истеҳсол мешавад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста