Комиссияи марказии интихобот ва раъйпурсӣ (КМИР)-и Тоҷикистон натиҷаҳои ниҳоии маъракаи интихоботи президентиро, ки санаи 11 октябр баргузор шуд, эълон кард.
Тибқи маълумоти КМИР, ба ҷонибдории Эмомалӣ Раҳмон 90,92% интихобкунандагон ё худ 3 млн 853 ҳазору 987 нафар овоз додаанд. Овозҳои боқимондаи “тарафдор” байни дигар номзадҳо тариқи зайл тақсим шуд:
Мироҷ Абдуллоев - 1,17% (49 535 нафар);
Абдуҳалим Ғаффорзода - 1,49% (63 082 нафар);
Рустам Раҳматзода - 2,14% (90 918 нафар);
Рустам Латифзода - 3,02% (128 182 нафар).
Дар қарори КМИР қайд мешавад, ки интихобот бо иштироки 4 млн 238 ҳазору 839 интихобкунанда, ки 85,44% шумораи умумии интихобкунандагони ба рӯйхати интихобкунандагон дохилкардашударо ташкил медиҳад, баргузоршуда дониста шавад.
“Эмомалӣ Раҳмон аз рӯи натиҷаи ниҳоии интихобот бо гирифтани 3 млн 853 ҳазору 987 овози интихобкунандагони дар овоздиҳӣ иштирокнамуда, ки 90,92%-ро ташкил медиҳад, Президенти Ҷумҳурии Тоҷикистон интихобшуда ҳисобида шавад. Ба Эмомалӣ Раҳмон шаҳодатномаи Президенти Ҷумҳурии Тоҷикистон супорида шавад”, - гуфта мешавад дар қарори КМИР.
То охири моҳи октябр баъди маросими расман сари мансаб омадани президенти тозаинтихоби кишвар, мувофиқи меъёрҳои қонуни конститусионии Тоҷикистон “Дар бораи ҳукумат”ҳайати ҳукумати кунунӣ пурра ба истеъфо меравад.
Ҳукумати Тоҷикистон аз сарвазир, муовини аввал ва муовинони ӯ, вазирон ва раисони Кумитаҳои давлатӣ иборат аст. Қобили зикр аст, ки дар Тоҷикистон президент ҳамзамон раиси ҳукумати ҷумҳурӣ мебошад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста