Раиси шаҳри Хуҷанд Маъруф Муҳаммадзода ҳам аз мақомаш барканор шудааст. Ба ҷойи ӯ Фирдавс Шарифзода таъин шудааст, ки то ин дам раиси шаҳри Гулистони вилояти Суғд буд.
Фирдавс Шарифзода раиси шаҳри Хуҷанд, ки дуввумин шаҳри бузурги Тоҷикистон маҳсуб меёбад, таъин гардидааст. Як манбаъ дар ин бора аз ҳукумати шаҳри Хуҷанд ба “Азия плюс” хабар дода гуфт, ки дар назар аст, ки имрӯз муаррифи раиси нав соати 17 баргузор гардад.
Фирдавс Шарифзода 36 сол дошта, аз ин пеш раиси шаҳри Гулистон буд ва дар ин вазифа аз моҳи декабри соли 2018-ум кор мекард. Дар бораи ба кадом вазифа таъин гардидани Маъруф Муҳаммадзода ҳамакнун собиқ раиси шаҳри Хуҷанд, ҳоло иттилое мавҷуд нест. Маъруф Муҳаммадзода 56 сол дошта, аз моҳи марти соли 2017-ум роҳбарии шаҳрро бар ӯҳда дошт.
Фирдавс Шарифзода 16-уми феврали соли 1984 дар шаҳри Хуҷанд, дар оилаи хизматчӣ таваллуд шудааст. Миллаташ тоҷик, маълумоташ олӣ мебошад. Тавре ки дар сомонаи МИҲД-и шаҳри Гулиситон омадааст, Фирдавс Шарифзода соли 2004 Донишгоҳи давлатии Хуҷанд ба номи академик Бобоҷон Ғафуровро бо ихтисоси иқтисодчӣ хатм карда, соли 2015 Академияи хоҷагии халқ ва хизмати давлатии назди Президенти Федератсияи Россияро бо дипломи аъло ба итмом расонидааст.
Мавсуф солҳои 2001-2003 дар вазифаи сармутахассиси Кумитаи ҳифзи табиати вилояти Суғд, солҳои 2003-2012 дар вазифаи мутахассиси пешбари шуъбаи меъморӣ ва шаҳрсозии мақомоти иҷроияи ҳокимияти давлатии шаҳри Хуҷанд, солҳои 2012-2014 дар вазифаи сармутахассиси бахши сармоягузорӣ ва идораи амволи давлатии мақомоти иҷроияи ҳокимияти давлатии шаҳри Хуҷанд, солҳои 2014-2015 дар вазифаи мудири бахши Агентии давлатии ҳифзи иҷтимоии аҳолии мақомоти иҷроияи ҳокимияти давлатии шаҳри Хуҷанд кор кардааст. Аз моҳи апрели соли 2015 то декабри соли 2018 Омири кулли Палатаи савдо ва саноати вилояти Суғд буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста