- Чор нафар собиқ муовинони вазири мудофиаи Тоҷикистон, ки ахири ҳафтаи гузашта аз мансаб сабукдӯ ш гардиданд, ба ихтиёри Раёсати кадрҳои Вазорати мудофиаи ҷумҳурӣ гузаронида шуданд, - изҳор дошт ба ОИ «Азия-Плюс» як манбаъ аз Вазорати мудофиаи ҶТ.

Ба гуфтаи ӯ, собиқ сардори Ситоди кулли Вазорати мудофиа, муовини аввали вазири мудофиа генерал-лейтенант Рамил Нодиров, собиқ муовини вазир генерал-лейтенант Ғайрат Адҳамов, собиқ муовинони вазир генерал-майорҳо Латиф Файзиев ва Вячеслав Грудина ба ихтиёри Раёсати кадрҳои вазорат гузаронида шуданд.

Ёдрас мекунем, ки Зариф Бобокалонов  сардори ситоди кулли Қувваҳои Мусаллаҳ-муовини якуми вазири мудофиаи Ҷумҳурии Тоҷикистон таъин гардид. Саидамир Розиқов ва Абдуҳалим Назаров муовинҳои вазири мудофиа таъин карда шуданд. Миралӣ Раҳматов фармондеҳи Қӯшунҳои зудамали Қувваҳои Мусаллаҳи Ҷумҳурии Тоҷикистон таъин гардид.