Кормандони КДАМ як сокини Вилояти Мухтори Кӯҳистони Бадахшонро ба гумони даст доштан дар муомилоти ғайриқонунии маводи мухаддир ва нигаҳдории ғайриқонунии аслиҳа боздошт намуданд.
Бино ба иттилои АМИТ «Ховар» бо истинод ба КДАМ Тоҷикистон, санаи 9 июни соли 2018, тахминан соати 21:15, зимни амалиёти кормандони Раёсати Кумитаи давлатии амнияти миллии Ҷумҳурии Тоҷикистон дар ВМКБ дар минтақаи наздисарҳадии деҳаи Ёмҷи Ҷамоати деҳоти Мирзоҷон Ширинҷонови ноҳияи Шуғнон, сокини ҳамин деҳа — Туйбошев Шӯҳрат Мамлукович, соли таваллудаш 1990, аъзои фаъоли гурӯҳи муташаккили ҷиноятӣ бо 100 кг маводи мухаддири навъи ҳашиш, 3 адад яроқи оташфишон (2 адад тапончаи тамғаи «Глок» ва 1 адад тапончаи тамғаи «Беретта») ва 175 дона тирҳои мансуб ба яроқҳои номбаршуда, ки ба таври қочоқ аз шаҳрвандони Ҷумҳурии Исломии Афғонистон дастрас намудааст, дастгир карда шуд.
Гуфта мешавад, ҳангоми амалиёт се нафар қочоқбарони афғон муқобилияти мусаллаҳона нишон дода, тавассути дарёи Панҷ ба самти Афғонистон фирор намуданд. Дар натиҷаи оташи ҷавобии кормандони мақомоти амният яке аз қочоқбарони афғон безарар гардонида шуд. Нисбат ба Ш.Туйбошев бо моддаҳои 335 қисми 1, 289 қисми 3, 195 қисми 2 ва 200 қисми 4-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардид.
Ҳангоми нишондод Ш.Туйбошев оид ба алоқаҳои наздики худ аз ҳисоби аъзо ва роҳбарони гурӯҳҳои муташаккили ҷиноятӣ ва даст доштани онҳо дар ин ҷинояти вазнин маълумоти муфассал пешниҳод кард.
Зимнан зикр мегардад, ки тадбирҳои фаврӣ-ҷустуҷӯӣ дар самти мазкур идома доранд.
Суғуртаи тиббӣ дар Тоҷикистон: 15 сол шуд интизорем, боз ҳам интизор мемонем?
Ҳамла ба донишҷӯёни мусулмони Тоҷикистону Шри-Ланка дар Донишгоҳи Гуҷарати Ҳиндустон
Рухшона Эмомалӣ дар маросими ифтитоҳи нимпайкараи Рӯдакӣ дар Донишгоҳи Лондон суханронӣ кард
Маросими видоъ бо Умар Зиёев. Ӯро дар Лучоб ба хок супориданд
Варзишгардухтари тоҷик ба Бозиҳои олимпӣ роҳхат гирифт
Кӯмаки башардӯстонаи Маркази имдоди Арабистони Саудӣ ва шоҳ Салмон ба мардуми Тоҷикистон
Рӯзҳои ҷашни Наврӯз обуҳаво дар Тоҷикистон чӣ гуна мешавад?
Нархи Ҳаҷ-2024 маълум шуд. Замони сафар моҳи май аст
Дар мунтахаби олимпии Тоҷикистон 5 легионери нав бозӣ мекунанд
Оғози таътили баҳорӣ маълум шуд. Хонандагони мактаб дар Тоҷикистон чанд рӯз истироҳат мекунанд?
Кулли ахбор
Авторизуйтесь, пожалуйста