Тадбирҳои таъмини волоияти қонун, тартиботи ҷамъиятӣ ва амнияти шаҳрвандон дар ВМКБ идома ёфта, аҳолии осоишта набояд аз он дар ташвиш бошанд, гуфт раиси КДАМ Тоҷикистон Саймумин Ятимов.
Тӯли як моҳи сипаришуда аз аҳолии вилоят 183 адад аслиҳа ва беш аз 4,3 ҳазор лавозимоти ҷангӣ (тир, муҳимот ва ғайра) мусодира гардида, дар ташкили ҳаракати нақлиёт дар Хоруғ тартибот ҷорӣ шуд, изҳор дошт Саймумин Ятимов дар ҷаласаи Ситоди байниидоравии таъмини волоияти қонун ва тартиботи ҷамъиятӣ дар ВМКБ, хабар дод барномаи “Ахбор”-и ТВ “Бадахшон”.
Раиси КДАМ қайд кард, ки ҷараёни мусодираи аслиҳа ва боздошти ҷинояткорони эҳтимолие, ки мавриди ҷустуҷӯ қарор доранд, идома меёбад.
“Аҳолии осоишта ва сокинони ВМКБ, ки қонунро риоя ва ба он эҳтиром мегузоранд, набояд дар ташвишу нигаронӣ бошанд, онҳо зери ҳимояи мақомоти ҳифзи ҳуқуқ ва қонунҳои Тоҷикистон мебошанд”, - иброз дошт Ятимов.
Дар ҳамин ҳол, прокурори генералии Тоҷикистон Юсуф Раҳмон дар ин ҷаласа изҳор намуд, ки агар ояндаи наздик беш аз 71 млн. сомонии аз ҷониби бонкҳо ба аҳолии вилоят қарздодаи бонкҳо баргардонида нашавад, нисбати чунин қарздорон парвандаҳои ҷиноӣ боз мешаванд.
Раиси ВМКБ Ёдгор Файзов изҳор намуд, ки барои ҷорӣ намудани тартиботи ҷамъиятӣ ва таъмини волоияти қонун дар қаламрави вилоят як моҳ муҳлат кофӣ нест. “Мо ҳатман супориши президентро иҷро мекунем, вале барои ин вақт лозим аст”, - гуфт Файзов.
Ёдрас мекунем, ки ба ҳайати Ситоди байниидоравии таъмини волоияти қонун ва тартиботи ҷамъиятӣ дар ВМКБ намояндагони сохторҳои қудратӣ ва раҳбарияти вилоят шомиланд. Ситод бо ҳаллу фасли масъалаҳои ҷорӣ кардани тартиботи ҷамъиятӣ, мусодираи силоҳ ва муҳимоти ҷангӣ аз аҳолӣ, боздошти гумонбарон ба содир кардани ҷиноятҳо, ки мавриди пайгард қарор доранд, машғул аст.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Кулли ахбор
Авторизуйтесь, пожалуйста