Дар пойтахти Қазоқистон – шаҳри Остона имрӯз, 8 ноябр иҷлосияи Шӯрои амнияти дастаҷамъии Созмони Аҳдномаи амнияти дастаҷамъӣ (СААД) доир мегардад. Дар кори он Президенти Тоҷикистон Эмомалӣ Раҳмон ширкат меварзад.
Сарони кишварҳои узви Созмон масоили марбут ба мушкилоти ҷойдошта дар таъмини амнияти байнулмилалӣ ва минтақавӣ, ҳамоҳангсозии фаъолияти сиёсати хориҷии кишварҳои узви СААД, такмили механизмҳои муқовимат ба таҳдиду чолишҳо ва рушди имконоти низомии Созмонро баррасӣ мекунанд.
Сарони кишварҳо масъалаи таъини дабири кулли нави Созмонро ба ҷойи намояндаи Арманистон Юрий Хачатуров, ки аз ин вазифа озод шуда буд, низ баррасӣ мекунанд.
Бино ба маълумоти хабаргузории Интерфакс, ёвари президенти Русия Юрий Ушаков гуфтааст, ба ин мансаб номзадии се нафар - намояндаи Русия Семериков, муваққатан иҷрокунандаи вазифаи дабири кулли СААД то моҳи майи соли 2020; намояндаи Беларус тибқи алифбо баъди Арманистон ва намояндаи Арманистон то моҳи майи соли 2020 бо исрори ин кишвар.
Дар нишасти Остона имзои наздики 20 санад, аз ҷумла баёнияи сиёсии ниҳоӣ ва изҳороти сарони кишварҳо дар бораи тадбирҳои ҳамоҳангшудаи кишварҳои узв нисбати иштирокчиёни низоъҳои мусаллаҳона дар сафи созмонҳои байнулмилалии террористӣ дар назар аст.
Дар нишаст баррасии бастаи ҳуҷҷатҳо бобати ба расмият даровардани мақоми нозир ва шарики СААД пешбинӣ шудааст, ки нияту омодагии Созмонро ба ҳамкорӣ бо давлатҳо ва созмонҳои байнулмилалии манфиатдор ифода хоҳад кард.
Созмони Аҳдномаи амнияти дастаҷамъӣ 15 майи соли 1992 таъсис дода шуд. Ба ҳайати он Русия, Арманистон, Беларус, Қирғизистон, Қазоқистон ва Тоҷикистон шомиланд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
Кулли ахбор
Авторизуйтесь, пожалуйста