Кумитаи давлатии амнияти миллии Тоҷикистон расман изҳор дошт, ки назди комендатураи пойгоҳи низомии 201-уми Русия дар шаҳри Душанбе ҳеҷ амали террористӣ тарҳрезӣ нашуда буд. Қаблан дар ин бора чанде аз васоити ахбори умуми Тоҷикистон хабар дода буданд.
“Мо расман маълумотро дар бораи гӯё боздошти гурӯҳе аз исломгароён, ки назди пойгоҳи 201-ум амали террористӣ содир карданӣ будаанд, рад мекунем. Ин маълумот нодурусту носаҳеҳ аст. Мо касеро боздошт накардаем ва чунин амали террористӣ ҳам омода намешуд”, - хабар дод ба “Азия-Плюс” тариқи телефон сардори хадамоти матбуоти КДАМ Дилшод Абдуалимов.
Дар бораи гӯё аз ҷониби тарафдорони “Давлати исломӣ” тарҳрезӣ шудани тарконидани комендатураи пойгоҳи низомии 201-ум ва мактаби русиягӣ дар Душанбе аз ҷумла субҳи имрӯз бо истинод ба як манбаи худ дар КДАМ Тоҷикистон Радиои Озодӣ хабар дод.
Бино ба ин маълумот, гурӯҳи иборат аз 12 нафар санаи 4 ноябр боздошт шудааст. “Роҳбари гурӯҳ Суҳроб ном дошта, сокини шаҳри Ваҳдат будааст. Маълум будааст, ки ӯ қаблан дар Қирғизистону Эрон қарор дошта, сипас тариқи қаламрави Туркия ба Сурия меравад ва дар он ҷо ба сафи Давлати исломӣ мепайвандад”, - навишта буд нашрия бо истинод ба манбаи худ.
Дар ҳамин ҳол, тавре ба “Азия-Плюс” аз пойгоҳи низомии 201-ум хабар доданд, хизматчиёни ҳарбӣ тибқи реҷаи муқаррарӣ хизматро адо намуда, ҳеҷ реҷаи пурзӯри равуо ҷорӣ нашудааст ва дар бораи тарҳрезии амали террористӣ дар ин ҷо чизе нашунидаанд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста