Шоми 13 январ дар шаҳри Хоруғ байни сокинони маҳаллӣ ва кормандони милитсия муноқишаи лафзӣ рух дода, сипас ба ҷангу ҷанҷол табдил ёфт, хабар дод ба “Азия-Плюс” котиби матбуотии ВКД Умарҷони Эмомалӣ.
“Байни онҳо муноқишаи лафзӣ оғоз гардида, сипас ба таҳқиру ҳамлаи сокинони маҳаллӣ ба корманди милитсия табдил ёфт, ки дар посгоҳ қарор дошт. Вақте ба корманди милитсия дармеафтанд, ӯ ба истифодаи силоҳи ҷароҳатдеҳ (пневматикӣ) ҳуқуқ дорад. Дар ин ҳолат воқеа ҳамин тавр сурат гирифт”, - қайд кард ӯ.
Котиби матбуотии Вазорат аз ифшои ҷузъиёти дигари ин ҳодиса худдорӣ варзида, зикр кард, ки айни замон Прокуратураи генералӣ аз рӯйи ин далел тафтиш мегузаронад ва маълумоти муфассалро онҳо дошта метавонанд.
Тибқи маълумоти охир дар ин маврид, марде, ки ҷароҳат бардоштаву сабабгори асосии муноқиша ҳисобида мешавад, дар бемористон бистарӣ аст. Ҳеҷ касе ба ҳабс гирифта нашудааст.
То кунун ба “Азия-Плюс” муяссар нашуд, ки аз Прокуратураи генералии ҷумҳурӣ дар ин бора маълумот дастрас намояд.
Дар ҳамин ҳол, корбари шабакаҳои иҷтимоӣ Саидмансур Шоиқов дар гурӯҳи пӯшидаи Pamir News дар Facebook менависад, ки муноқишаву ҷанҷол бо он сабаб рух додааст, ки автомашинаи ҳарбиён ба автомашинаи сокинони маҳаллӣ роҳ надодааст, ҳарчанд тибқи қоидаҳои ҳаракат дар роҳ, бояд ба ин автомашина роҳ медод.
“Лекин ҳарбиён ба қоидаҳои ҳаракат дар роҳ риоя накарда, ба таҳқири ронанда шурӯъ намуданд”, - қайд мекунад Шоиқов.
Ба навиштаи муаллиф, ҳарбиён (кормандони ОМОН) дар автомашинаҳо ба таъқиби автомашинаи сокинони маҳаллӣ пардохта, онҳоро дар гузаргоҳи маркази шаҳр дарёб мекунанд ва дар он ҷо нахуст муноқишаи шифоҳӣ ва сипас тирпарронӣ сурат мегирад.
Бо мо дар Telegram, Facebook, Instagram, Viber, Яндекс.Дзен, OK ва Google Новости бимонед.
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Президенти Ӯзбекистон имрӯз ба Душанбе меояд
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
ВАО: Сафорати Тоҷикистон дар Русия доир ба тафтиши ҳамла ба “Крокус” изҳори назар намекунад
Муҳаққиқи тоҷик пешниҳод кард, ки 15 апрел Рӯзи Айнӣ эълон шавад
Кулли ахбор
Авторизуйтесь, пожалуйста