Тибқи маълумоти Агентии гидрометеорологӣ, то охири ҳафта дар қаламрави Тоҷикистон обуҳавои номусоид боқӣ монда, боридани борон ва дар минтақаҳои кӯҳиву доманакӯҳҳо боришоти шадид дар назар аст.
“Боришоти зиёд дар минтақаҳои кӯҳистон ва теппадор метавонад ба шусташавии хок ва ба ҳаракат омадани он (лағзиши он) ва болоравии сатҳи об дар дарёҳо боис гардад, ки дар навбати худ, метавонад ба шусташавии соҳилҳои рӯдхонаву кӯлҳо оварда расонад. Бар асари боришоти зиёд эҳтимоли фаромадани тармаву сел ва сангреза вуҷуд дорад”, - хабар дод ба “Азия-Плюс” котиби матбуотии Кумитаи ҳолатҳои фавқулода ва мудофиаи граждании назди ҳукумати ҷумҳурӣ Умеда Юсуфӣ.
Бино ба гуфтаи номбурда, бар асари боришоти зиёд эҳтимоли босуръат болоравии сатҳи об дар дарёҳо мавҷуд буда, метавонад ба шусташавии заминҳои кишт, қитъаҳои роҳи паҳлӯи соҳилҳо ва пулҳо боис гардад.
“Мутаассифона, бар асари боришоти дирӯз дар яке аз ноҳияҳои кишвар, ки ба шусташавии хати соҳили канал (наҳр) дар наздикии деҳа боис гардид, дар натиҷаи риоя нашудани қоидаҳои бехатарӣ ва муносибати хунукназаронаи волидон як духтари дусола ғарқ шуд”, - қайд кард Юсуфӣ.
Дар ин робита, таъкид дошт ӯ, Кумита аз аҳолӣ хоҳиш мекунад, ки эҳтиёткору ҳушёр буда, кӯдаконро беназорат нагузоранд ва ҳангоми ҳузур доштан дар кӯҳҳову наздикии обанборҳо риояи қоидаҳои бехатариро фаромӯш насозанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Кулли ахбор
Авторизуйтесь, пожалуйста