Раёсати Ҷумҳурии Тоҷикистон дар Форуми ҳамкории амниятии САҲА (FSC) 8 майи 2019 оғоз гардид. Дар қасри Ҳофбурги шаҳри Вена ҷаласаи нахустини умумии FSC таҳти раёсати Тоҷикистон баргузор гардид, ки ба кори он Муовини вазири корҳои хориҷии кишвар Зоҳир Саидзода оғоз бахшид.
Бино ба иттилои Вазорати корҳои хориҷии ҷумҳурӣ, дар суханронии худ Муовини вазир барномаи раёсати Тоҷикистонро ба кишварҳои узви САҲА муаррифӣ намуд, ки он дар баробари мавзӯъҳои маъмулии FSC – мудирияти захираҳои силоҳи сабуки оташфишон (SALW) ва силоҳи муқаррарӣ (SCA), мусоидат ба раванди татбиқи муқаррароти қатъномаҳои 1540 ва 1325-и Шӯрои амнияти СММ, инчунин, масъалаҳои авлавиятноки ҷанбаҳои низомӣ-сиёсии амнияти минтақавии Осиёи Марказиро фаро гирифтааст.
Таъкид гардид, ки тайи ин давра таваҷҷуҳи вежа ба масъалаи зарурати таҳкими ҳамкорӣ миёни САҲА ва созмонҳои минтақавӣ дар Осиёи Марказӣ, аз қабили СҲШ, СААД ва МҲТБО, инчунин Иттиҳоди Аврупо равона хоҳад шуд.
З.Саидзода азми кишварро ҷиҳати коргирӣ аз равиши мутавозин ва риояи усули баробарҳуқуқӣ ва эҳтироми мутақобил таъйид кард. Тазаккур дода шуд, ки ҳадафи асосии раёсати Тоҷикистон идомаи фаъолияти ҷории Форум роҷеъ ба такмили низоми таъмини назорат дар соҳаи низомӣ мебошад.
Кишварҳои ширкаткунандаи САҲА Барномаи раёсати Тоҷикистон дар Форумро мусбат арзёбӣ карданд. Намояндагиҳои доимии Арманистон, Беларус, ИМА, Иттиҳоди Аврупо, Канада, Қазоқистон, Қирғизистон, Озорбойҷон, Русия, Словакия, Туркия, Ӯзбекистон, Чехия ва Швейтсария дар назди САҲА бо ҷонибдорӣ аз раёсати Тоҷикистон суханронӣ намуданд.
Пас аз анҷоми ҷаласаи умумӣ мулоқоти З.Саидзода бо Дабири кулли САҲА Томас Гремингер баргузор гардид. Дабири кулли САҲА ҳайати Тоҷикистонро бо оғози раёсати кишвар дар FSC табрик намуда, омодагии Котиботи Созмонро ҷиҳати мусоидат тайи ин давра изҳор кард.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
Кулли ахбор
Авторизуйтесь, пожалуйста