Ҳайати Қирғизистон таҳти сарварии муовини сарвазир Жениш Раззоқов бо ҳайати Тоҷикистон доир ба вазъ дар сарҳад гуфтушунид мекунанд. Интизор меравад, ки ин вохӯрӣ 14-уми январ дар минтақаи наздимарзӣ доир мешавад. Дар ин бора хадамоти матбуоти ҳукумати Қирғизистон хабар медиҳад.
Ҳайати Қирғизистон аз роҳбарони Прокуратураи генералӣ, Кумитаи давлатии амнияти миллӣ, Хадамоти давлатии сарҳадбонӣ, Вазорати корҳои дохилӣ, ҳамчунин мақомоти дахлдори давлатӣ иборат хоҳад буд.
Ба ҳайати Тоҷикистон таҳти роҳбарии муовини сарвазири ҷумҳурӣ Азим Иброҳим намояндагони Прокуратураи генералӣ, КДАМ, ВКД ва дигар сохторҳои марбута шомил шудаанд.
Тавре ба “Азия-Плюс” ёвари муовини сарвазири Тоҷикистон хабар дод, вохӯрӣ дар шаҳри Исфара баргузор мешавад.
Дар гуфтушунид вазъ дар сарҳади кишварҳо, тадбирҳои минбаъда бобати ба эътидол овардани он, масоили таҳкими амният дар марз, чораҳои пешгирии муноқишаҳои наздисарҳадӣ, ҳамчунин масъалаҳои суръатбахшӣ ба кори таъйин ва аломатгузории хати сарҳади байни давлатҳо баррасӣ мешаванд.
Вохӯрии мазкур мутобиқи қарордоде, ки дар натиҷаи суҳбати телефонии сарони давлатҳои Тоҷикистону Қирғизистон рӯзи шанбеи ҳафтаи сипаришуда, 11-уми январ ҳосил шуд, баргузор мешавад.
Зимни суҳбати телефонӣ Эмомалӣ Раҳмон ва Сооронбой Жээнбеков аҳаммияти идомаи муколамаи байнидавлатии Тоҷикистону Қирғизистон ҷиҳати пешбурди минбаъдаи раванди музокирот оид ба масъалаҳои сарҳадотро махсус таъкид карданд.
Ёдрас мекунем, ки муноқишаи ахир дар сарҳади байни Тоҷикистону Қирғизистон рӯзи 9-уми январ сар зада, сокинони деҳоти наздимарзӣ аз ду ҷониб мошинҳои ҳамдигарро сангборон карданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста