Душанбе. 28-уми июл. «Азия-Плюс» — | Айни замон шумори умумии истифодабарандагони оби пойтахт 170 ҳазор нафарро ташкил медиҳад ва ҳамагӣ 5%-и онҳо бо ҳисобкунакҳои об таъминанд.
Зимни нишасти хабарӣ муовини аввали раиси шаҳри Душанбе Насрулло Хайруллоев дар робита ба ин масъала изҳор кард, ки ҳисобкунакҳои об асосан дар муассисаҳои хӯроки умумӣ, ташкилоту корхона, вазорату идораҳои бюҷетӣ (мактаб, беморхона, кӯдакистон ва ғайра) гузошта шудаанд.
Дар ҳамин ҳол, Хайруллоев чораҳои таъмини аҳолии пойтахт бо ҳисобкунакҳои обро ғайриқаноатбахш арзёбӣ намуд. «Дар доираи лоиҳаи обтаъминкунии шаҳри Душанбе бобати дар навбати аввал ба хонаҳои ошёнаҳои якуму дуюм гузоштани ҳисобкунакҳои об қарор қабул шуд, зеро маҳз дар манзилҳои ин ошёнаҳо об оқилона истифода намегардад», - гуфт ӯ.
Муовини аввали раиси пойтахт ҳамчунин гуфт, дар хонаҳои истиқоматии хусусӣ низ аксар вақт об беҳуда масраф мегардад. «Амалисозии лоиҳа аз маҳаллаҳои сераҳолии пойтахт – Зарафшон ва микроррайони 65-ум оғоз мегаардад», - иброз дошт номбурда.
Хайруллоев хотиррасон намуд, ки баҳри амалисозии марҳилаи дуюми лоиҳаи обтаъминкунии шаҳри Душанбе Бонки ҷаҳонӣ дар ҳаҷми 16 млн. доллари ИМА бурс ҷудо кард. Дар доираи татбиқи он насби 76 ҳазору 500 дона ҳисобкунакҳои об пешбинӣ шудааст. Ба қавли ӯ, амалисозии лоиҳа аллакай оғоз гардида, он соли 2016 ба итмом мерасад.
Дар посух ба суоли аз куҷо дастрас гардидани ҳисобкунакҳои об, номбурда изҳор кард, ки аз рӯйи натиҷаҳои тендер ширкати истеҳсолкунанда интихоб хоҳад шуд Дар бораи оғози гузоштани ҳисобкунакҳои об ба манзили сокинони пойтах тавассути ВАО ба таври иловагӣ хабар дода мешавад.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста