Душанбе. 9-уми август. «Азия-Плюс» — | Дар доираи рушди тиҷорати наздимарзӣ бозори «Ишкошим»-и Вилояти Мухтори Кӯҳистони Бадахшон, ки дар он молу колои тоҷикону афғонҳо савдо мешавад, мавриди азнавсозӣ қарор гирифт. Дар ин бозор ду болопӯши оҳанин дар майдони умумии 684 метри мурааб сохта шуда, роҳҳои даромад ба болопӯшҳо бетонрезӣ ва хатти оби нӯшокӣ гузаронида шуд. Ҳамчунин биное низ бунёд гардид, ки дар он озмоишгоҳ оид ба стандартизатсия ва метрология, идораҳои маъмурияти бозор ва Маркази Ассосиатсияи «Миллал-Интер» ҷойгир шуданд.
Корҳои сохтмонии мазкур дар доираи Лоиҳаи Ассосиатсияи «Миллал-Интер» дар ҳамкорӣ бо созмонҳои Бунёди Оғо Хон ва дастгирии молиявии Созмони Олмон оид ба рушди байнулмилалӣ (GIZ) анҷом дода шуданд.
Раиси Ассостсиатсияи Соҳибкорон ва Фермерони Кӯҳии «Миллал-Интер» Боймаҳмад Алибахшев мегӯяд, бо бунёди ин иншоотҳо ба қадри ҳол шароити хуби савдо муҳайё гардида, намуди зоҳирии бозор ҳам тағйир ёфт, вале дар ин ҷойҳои болопӯш танҳо нисфи савдогарон ҷойгир шуда метавонанд. «Аз ин рӯ, сохтмони боз чунин ду ҷойи фурӯши дорои болопӯш ё беҳтараш биноҳои бомпӯш зарур аст», - изҳор кард ӯ.
Дар навбати худ сардори раёсати «Тоҷикстандарт» дар ВМКБ Пайшанбе Абутуробов зикр кард, ки озмоишгоҳи бунёдгардида, бо тамоми таҷҳизоту дастгоҳи зарурӣ муҷаҳҳаз буда, ба санҷиши маҳсулоту колои ба бозор воридмешуда омода аст.
Дар ҳамин ҳол, айни замон Лоиҳа оид ба Рушд ва Савдои Наздисарҳадӣ GIZ дар Тоҷикистоон лоиҳаи сохтмони иншоот ва ободонии бозори наздимарзии «Рузвай» дар ноҳияи Дарвозро мавриди баррасӣ қарор дорад.
Ғайр аз ин, Б. Алибахшов изҳор кард, ки дар макони сохтмони пули нави автомобилгард дар мавзеи Хумроғии ноҳияи Ванҷ Бунёди Оғо Хон сохтмони иншоот барои бозори наздимарзии ояндаро шурӯъ кардааст.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста