Дар кори мизи гирд, ки дар шаҳри Хуҷанд аз ҷониби Марказ оид ба ҳуқуқи инсон бо дастгирии Дафтари САҲА дар Тоҷикистон созмон дода шуд, масоили марбут ба дастрасии адвокатҳо ба зерҳимоягони худ, кӯмаки ҳуқуқӣ расонидан ба ашхоси мавриди шиканҷа қароргирифта баррасӣ шуданд.
Намояндаи Марказ оид ба ҳуқуқи инсон Парвина Наврӯзова қайд кард, ки аз замони шурӯъи татбиқи лоиҳаи мубориза бар зидди истифодаи шиканҷа дар Тоҷикистон мунтазам далелҳои истифодаи шиканҷа ҳуҷҷатгузорӣ шуда, муайян карда шудааст, ки шиканҷаву зӯроварӣ маҳз аз вақти боздошт истифода мешаванд ва ҳуқуқи адвокатҳо ба дастрасӣ ба зерҳимояи худ риоя намегардад.
Номбурда ҳамчунин зикр кард, ки аз ҷониби марказ дар чаҳорчӯби амалисозии лоиҳа бо адвокатҳои амалкунандаи ҷумҳурӣ як қатор вохӯриҳои кории машваратӣ доир карда шуданд, ки дар онҳо мушкилоти асосии адвокатҳо зимни амалисозии фаъолият бобати дифоъ аз ҷабрдидагони шиканҷа мавриди баҳс қарор гирифтанд.
Наврӯзова афзуд, намояндагони марказ дар ҳамдастӣ бо мутахассисони Додситонии кулл ва дигар созмонҳои дифоъ аз ҳуқуқ пайи таҳияи дастур барои кормандони мақомоти додситонӣ оид ба тафтишоти пурсамари истифодаи шиканҷа мебошанд.
Намояндаи Лигаи занони ҳуқуқшинос Хуршеда Мӯъминзода зимни муаррифии натиҷаҳои фаъолияти гурӯҳи кории омӯзиши масъалаи «Дастрасии адвокат ба боздоштшудагон» изҳор кард, ки баъзан ба адвокат ҳатто имкон дода намешавад, ки бо қарор дар бораи боз кардани парвандаи ҷиноӣ шинос шавад.
«Вохӯрии адвокат бо зерҳимояи худ як қисмати фаъолияти адвокат ҷиҳати дифоъ аз шаҳрванд аст ва ин гунн кор зарурати таҳлили муштаракаи маводи парвандаро тақозо мекунад, ки бидуни истифодаи компютер мушкил аст. Ба муфаттишон барои истифодаи техника иҷозат дода шудааст, вале ин амал барои адвокатҳо манъ аст», - мегӯяд Мӯъминзода.
Дар анҷоми кори мизи гирд аз ҷониби адвокатҳо, намояндагони додгоҳи вилоятӣ, мақомоти додситонӣ ва Шӯрои адлия як қатор тавсияҳо таҳия гардид. Аз ҷумла пешниҳод шуд, ки ба як қатор моддаҳои Кодекси мурофиавӣ-ҷиноӣ, ки ба ваколати ҳимоягар ва ҳуқуқи гумонбаршуда дахл доранд, тагйироту иловаҳо ворид карда шавад.
Акс аз board.donetsk24.com.ua
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста