Кумитаи дифоъ аз журналистон (Committee to Protect Journalists) аз ҳукуматдорони Тоҷикистон даъват мекунад, ки журналистон – хабарнигори осиёмиёнагии Би-Би-Сӣ Ӯрунбой Усмонов ва хабарнигори мустақили ҳафтавори «Нури зиндагӣ» Маҳмадюсуф Исмоилов озод карда шаванд. Ҳукми додгоҳ нисбат ба ин ду рӯзноманигор имрӯз, 14-уми октябр, дар шаҳри Хуҷанд содир мешавад.
Дар изҳороти интишоршудаи кумита аз ҷумла гуфта мешавад: «Чун додгоҳ дар Тоҷикистон нисбат ба парвандаҳои ҷиноии бо сиёсат олуда, ки нисбат ба рӯзноманигорон Ӯрунбой Усмонов ва Маҳмадюсуф Исмоилов ҳукм содир карданист, Кумитаи дифоъ аз журналистон хостори тантанаи адолати судӣ аст».
«Мо аз ҳукуматдорон даъват мекунем, ки иттиҳомоти сохта нисбати ин журналистон бекор карда шуда, онҳо фавран ва бидуни чуну чаро озод карда шаванд», - зикр кард ҳамоҳангсози барномаи Кумитаи дифоъ аз журналистон дар Аврупо ва Осиёи Марказӣ Нина Огнианова.
«Ҳар ду рӯзноманигор ҳам барои инъикоси мустақили мушкилот ва масоили муҳими рӯз ҷазо дода мешаванд», - омадааст дар изҳорот.
«Усмонов ба тундгароӣ ва Исмоилов ба тӯҳмату таҳқир ва тамаъҷӯйӣ айбдор карда мешаванд. Натоиҷи таҳқиқоти Кумитаи дифоъ аз журналистон гувоҳи он аст, ки тамоми айбҳо сохтаанд. Ба Усмонов 5 ва ба Исмоилов 16 соли зиндон таҳдид мекунад», - зикр мегардад дар изҳороти CPJ.
Кумитаи дифоъ аз журналистон (Committee to Protect Journalists) созмони байнулмилалии ғайриҳукуматӣ буда, қароргоҳаш дар шаҳри Ню-Йорк воқеъ аст. Фаъолияти созмон ба дифоъ аз ҳуқуқи журналистон нигаронида шудааст.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста