Ахири ҳафтаи гузашта дар сафорати Тоҷикистон дар Русия мулоқоти сардори Хадамоти муҳоҷирати назди ҳукумати ҷумҳурӣ Сафиалло Девонаев бо роҳбарони созмонҳои ҷамъиятӣ, ҳамватанон аз диаспораҳои тоҷик дар Русия баргузор шуд, ки дар он ҳайати диаспораҳо аз шаҳрҳои Қазон, Уфа, Санкт-Петербург, Новосибирск, Новокузнетск, Ярославл, Рязан, Липетск, Маскав, Нижний Новгород, Тюмен ва Омск иштирок карданд.
Тавре ба ОИ «Азия-Плюс» аз маркази матбуоти Хадамоти муҳоҷирати ҷумҳурӣ хабар доданд, сафири Тоҷикистон дар Русия Абдулмаҷид Достиев ба мулоқот ҳусни оғоз бахшида, таваҷҷӯҳи Тоҷикистон ба усулҳои ҳамкории шариконаи стратегиро таъкид сохт ва изҳор кард, ки диаспора дар ин раванд бояд нақш мусбат дошта, ба ваҳдату муттаҳидӣ бикӯшад.
Ба иттилои манбаъ, Сафиалло Девонаев зимни суханронӣ бо пешниҳоди арқоми мушаххас оид ба вазъи муҳоҷират дар Русия маълумот дод. «Роҳбари Хадамоти муҳоҷират таъкид кард, ки дар баҳодиҳӣ ба вазъи марбут ба муҳоҷирон мебояд ба ахбори расмӣ такя намуда, аз шарҳу тафсири мустақилонаву озодона худдорӣ варзид, зеро ахиран афроди ҷудогона ба худ ҳуқуқи аз номи муҳоҷирони корӣ ва ҳатто дар маҷмӯъ тамоми мардуми тоҷик сухан гуфтанро додаанд. Чунин амалҳо ба таҳкими муносибатҳои байнидавлатӣ ва манфиатҳои худи муҳоҷирон мусоидат намекунад. Гузашта аз ин, кӯшишҳои истифодаи масъалаи муҳоҷирон барои ҳадафҳои сиёсӣ низ ба мушоҳида мерасанд», - таъкид кард манбаъ.
Ӯ ҳамчунин зикр кардааст, ки Хадамоти муҳоҷирати Тоҷикистон марҳила ба марҳила бо истифода аз тамоми имконоту механизмҳо масъалаҳои беҳбуди вазъи муҳоҷирони кориро ба иҷро мерасонад ва дар ин самт нақши муҳими созмонҳои ҷамъиятии диаспораҳои тоҷик дар Русияро таъкид менамояд.
«Дар анҷом иштирокчиёни мулоқот қабули Изҳорот ба ҳамватанони муқими Русияро пешниҳод карданд. Роҳбарони созмонҳои ҷамъиятии диаспораҳо кӯшишҳои ҳукумати Тоҷикистон, аз ҷумла Хадамоти муҳоҷирати ҷумҳурӣ баҳри ҳалли мушкилоти муҳоҷирати кориро дастгирӣ намуда, аз ҳамватанон даъват ба амал оварданд, ки ҷиҳати ҳалли масоили зикршуда ҳамаҷониба мусоидат намоянд», - афзуд манбаъ.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста