Шумори бекорони расман сабтшуда дар Тоҷикистон ба ахири моҳи ноябр зиёда аз 55 ҳазор нафарро ташкил дод.
Ба гуфтаи сардори департамени меҳнат ва шуғли аҳолии Агентии омори назди президенти ҶТ Алиҷон Қулов, сатҳи расмии бекорӣ дар ҷумҳурӣ ҳамагӣ 2,6%-и аҳолии аз ҷиҳати иқтисоди фаъоли ҷумҳуриро ташкил медиҳад, ки 52% ё худ 28,9 ҳазор нафарашонро занон ташкил медиҳанд. «Дар муқоиса бо ҳамин давраи соли гузашта шумори бекорони расман сабтшуда ба миқдори беш аз 7 ҳазор нафар зиёдтар шудааст», - гуфт вай.
Номбурда мегӯяд, ҳамчунин тарзҳои дигари муайян кардани шумори бекорон мавҷуд аст. «Масалан, ҳар семоҳа баргузор намудани таҳқиқоту назарсанҷӣ миёни аҳолӣ, ки дар кишварҳои рушдёфта ба таври густарда аз он истифода мешавад. Аммо баргузории чунин таҳқиқот хароҷоти маблағи зиёдро тақозо мекунад. Бо дастгирии молиявии Бонки ҷаҳонӣ мо солҳои 2004-2009 чунин таҳқиқотҳо доир намудем», - иброз дошт вай.
Бино ба маълумоти Қулов, натоиҷи таҳқиқоти соли 2009 нишон доданд, ки сатҳи умумии бекорӣ аз сатҳи расмии он панҷ маротиба зиёд аст. «Масалан, агар имрӯз мутобиқи маълумоти расмӣ сатҳи бекорӣ дар ҷумҳурӣ ҳамагӣ 2,6%-и аҳолии аз ҷиҳати иқтисоди фаъоли ҷумҳуриро ташкил диҳад, пас мутобиқи маълумоти таҳқиқот,он на камтар аз 10,5%-ро ташкил медод», - афзуд номбурда.
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Кулли ахбор
Авторизуйтесь, пожалуйста