Ахири ҳафтаи гузашта мулоқоти Сардори хадамоти муҳоҷирати назди Хукумати Ҷумҳурии Тоҷикистон Сафиало Девонаев бо Вазири маорифи Ҷумҳурии Тоҷикистон Нуриддин Саидов баргузор гардид.
Тавре аз Маркази матбуоти Хадамоти муҳоҷирати назди ҳукумати ҷумҳурӣ хабар доданд, дар рафти мулоқот роҳбарон нисбати ба танзим даровардани корҳои иҷрошудаистода доир ба масъалаҳои муҳоҷирони меҳнатӣ, васеъ намудани минтақаҳои бозори меҳнат барои шаҳрвандони Ҷумҳурии Тоҷикистон, тайёрии тахассусии муҳоҷирон ва омӯзиши забони русӣ дар омӯзишгоҳҳои касбӣ техникии Ҷумҳурии Тоҷикистон изҳори ақида намуданд.
Девонаев С. зарурати додани диқкати ҷиддӣ ба омӯзиши забони русӣ ва баланд намудани сатҳи тайёрии касбии муҳоҷиронро қайд намуд.Барои хатмкунандагони мактабҳои олии Ҷумҳурии Тоҷикистон дар хориҷи кишвар, бахусус дар Федератсияи Руссия, кори сазовор ёфтан мумкин аст, вале хуб надонистани забони русӣ аз тарафи ҷавонон ба ҳалли ин масъала монеа мешавад. Аз ин лиҳоз зарурати тайёр намудани мутахассисони баландихтисос бо донистани забони хориҷӣ ва мувофиқат ба талаботи бозори меҳнати давлатҳои бокортаъминкунанда ба миён омадааст.
Дар ҷумҳурӣ хона-интернатҳо барои кӯдаконе, ки бе волидайн модаанд, амал мекунанд. Аз ин лиҳоз бо кӯшишҳои муштакрак дар чунин хона-интернатҳо барои тайёрии махсуси касбии тарбиятгирандагон шароити лозимӣ муҳайё намудан зарур аст.
Вазири маорифи Ҷумҳурии Тоҷикистон Саидов Н. оид ба ҳамкории судманду самарабахш бо Хадамоти муҳоҷират ибрози ақида намуд. Саидов Н.С. дар бораи муайян намудани касбҳои серталаб дар бозорҳои меҳнатии Федератсияи Руссия, Украина, Қазоқистон, Эстония, Латвия ва Литва шавқмандӣ зоҳир намуд. Муайян намудани номгӯи касбҳои сарталаб барои ба танзим даровардани фаъолияти омӯзишгоҳҳои касбӣ-техникӣ, дар мувофиқат бо талаботи бозори меҳнат, мусоидат мекунад.
Алҳол дар Донишоҳи давлатии тиббии Тоҷикистон ба номи Абуали ибни Сино гурӯҳҳое мавҷуданд, ки таҳсил танҳо ба забони англисӣ гузаронида мешавад. Ин имконият медиҳад, ки кадрҳои ҷавобгӯ ба талоботи байналмилалӣ тайёр карда шаванд. Хатмкунандагон имконияти на танҳо дар хориҷи наздик, балки дар хориҷи дур низ пайдо намудани ҷойи корро ба даст меоранд.
Вазорати маорифи Ҷумҳурии Тоҷикистон имконият дорад дар омӯзишгоҳҳои касбӣ-техникии ҷумҳурӣ шаҳрандони кишварҳои хориҷиро омӯзонанд Дар ин раванд барои омузонидани шаҳрвандони ҷумҳурии Исломии Афғонистон корҳои муайян амалӣ гардида истодаанд.
Дар рафти мулоқот тарафҳо ба хулоса омаданд, ки захираҳои меҳнатии давлат – ин боигарии кишвар аст ва тайёрии босифати касбии муҳоҷирони меҳнатӣ барои зиёд намудани ин боигарӣ мусоидат менамояд. Роҳбарони ду муассиса оид ба ҳамкории зич нисбати тайёрии касбии муҳоҷирон ва омӯзишӣ забони русӣ барои шаҳрвандони ҷумҳурии Тоҷикистон шавқмандӣ зоҳир намуданд.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста
Бродяга6 феврал, 2012 22:36
Биёед аввал хамин точикбачахои бечораро забони руси омузед.Афгонбачахо аз мо дида дар ин борахо пешкадамтаранд.Онхо аз руи табиату аклу фахмиши худашон руи дунёро гирифтаанд.Хатто дар Точикистону Россия мо ба онхо мухточ мешавем.Агар духтури оянда дар Точикистон ихтисос омузад,вай дар Россия ба кор намеравад.Зеро,халки рус бисёр боэхсосот аст.Агар духтури точик,ришу фашаш харруз тарошидаги набошад,Тозаву озода пушида набошад,ё ба руси бо лахчаи вазнин гап занад,пас дар байни пациентхо норозиги мешавад.Ин хел"доктор"ро калушхояшро пеши пойхояш мегузорандДар стройкахои Россия докторхои бисёрро дидам,ки дарРоссия кор карда наметавонанд.Зеро худашон дилпур нестанд.Барои он ки дарРоссия ба касби духтури кор куни,зарур аст,ки аз хурди дар мактаби миёна хони,гапзаниро хуб аз худ куни,пас Дар Институти Тибби рафта чидди хони.Азбаски бисёри точикон дарРоссия дар бозорохо кор мекунанд,имкониятхои иктисодиву ичтимоии хуб доранд,лекин фарзандонашон хам боз бозоршин мешаванд.Лекин,хурсандиовар аст,ки дар шахру нохияхои Россия садхо нафар чавонону духтарони точикро медонам,ки аз хурдиашон инчо хондаанд,забони русиро хатто аз бисёр тахчоихо хубтар медонанд,сохиби маьлумоти оли шудаанду духтурони хубанд.Духтарони маълумотдори точик дар сохтори гумрук,судхо ва прократурахои Россия хам ба кор шуруь карда истодаанд.Чавонони Точик! Надонистани забони руси шуморо боз ба Точикистон бармегардонад.Илтимос забони русиро ёд гиред.